تمهيد ٢
شفنا أصل اسم معاوية،،
و أصل عائلته من طرف ابوه،،
و ازاي أنه بيلتقي بالنبي،،
في الأب الخامس
او الجَد الثاني
جَد الجَد
عبد مناف،،
الي كان ابو الأشقاء الأربعة:
هاشم
و عبد شمس
و المطلب
و نوفل
طيب مين عبد مناف ده
-دي كنيته علي فكرة-،،
اسمه المُغيرة
و امه الخُزاعية سمته بالاسم ده
علي اسم الاله "مَناف"
الي كانت بتعبده
و احتمال كبير تكون الآلهة "مَناة"
و تم تحريفها
لان الاله مناف
ملوش ذِكر كبير في المنطقة دي ،،
ان كان له ذِكر اصلا،،
الآلهة مَناة دي
كانت آلهة أنثي
و كانت زي كل الآلهات الأمهات
لها جانب رحيم جدا
و لها جانب غضوب بقسوة،،
و كان لها حج
و طقوس ذبح مقدس
يتبعه طقس حلق الرؤوس
بمعني انتهاء الطقوس و تمام الحج،،
و اكثر من عبد مَناة من القبائل
هم الاوس و الخزرج،،
،،،
المهم ان عبد مَناف"مَناة"
كان راجل عظيم،،
و هو اول من بدأ
رحلات" الإيلاف"
بتاعة قريش
رحلة اليمن في الشتاء
و رحلة الشام في الصيف
و من بعده أولاده طوروا
و كبروا المركز التجاري بتاع قريش،،،
عبد مناف كالعادة
كان اتخانق مع اخوه الكبير
"عبد الدار"
الي كان ورث
التحكم في الكعبة و حمايتها
و القيام علي الانتفاع
من العوائد المادية من الحجاج لها
- واضح ان الخناق
علي العوائد المالية للحج والنفوذ
كان في كل جيل من قريش-
و في الاخر اخد" عبد مناف "
و أولاده من بعده
الناحية المالية:
وفادة و سقاية
و أكل و شرب و فنادق
و سابوا قيادة
عسكر التحالف
و الفروسية
و حمل اللواء بتاع قريش،،
لعبد الدار و ابناؤه
الي فضل معاهم مفتاح الكعبة
و يقال ان بنو شيبة سَدنة الكعبة حاليا
-الي معاهم المفتاح يعني-
هم من نسل عبد الدار ده
،،،
الاتنين الإخوات دول
عبد مناف
و عبد الدار
هما اولاد كبير قريش الأساسي:
"قُصي بن كِلَّاب"
و هو ده الجد الكبير
الي قدر
يؤسس و يورث اساسا
لقريش و عائلته
القيام علي أمور الكعبة
بعد ما استولي عليها
من القبيلة الي كان بقالها سنين
بتقوم علي أمر الكعبة
قبيلة "خُزاعة"
،،
ايوه الي الكاهن الاقرع
في فيلم فجر الاسلام
كان بيقعد
يزعق و يقول: " خزاعة خزاعة"
،،،
و فيه كلام
ان قُصي ناسِب خُزاعة
و بقي منهم
و بعدين حَول خط الاشراف علي
الكعبة لأولاده و عائلته و أقاربه
خدتو بالكم طبعا
اني قلت ان أم عبد مناف
الي كانت بتعبد الآلهة مَناف او " مَناة"
كانت من "خُزاعة" دول
و الست دي
تبقي زوجة قُصي بن كِلاب طبعا،،
و قُصي ده هو الجد الأكبر
لأغلب بطون قريش
و كلهم تقريبا بيتقابلوا في النسب عنده
او عند اقاربه:
اخوه : زُهرة
" من نسله عبد الرحمن بن عوف
وسعد بن ابي وقاص
و ام الرسول آمنة بنت وهب"
او عمه :تَيم
" من نسله ابو بكر الصديق
" و طلحة بن عُبيد الله"
او ابن عمه: مَخزوم
" من نسله خالد بن الوليد"
او اخو جده :عَدِي
" من نسله عُمر بن الخطاب"
او اولاد عم قُصي البُعاد:
جُمَح "
وده بطن قرشية كبيرة
و
"سَهم"
من نسله عمرو بن العاص
و جدود قُصي البُعاد:
خُزيمة
مُحارب
الحارث"
"من نسله ابو عبيدة بن الجراح"
و عامر
،،،،
بين قُصي بن كِلَّاب الشهير
ب
"قُريش الأصغر"
وبين جده الأكبر
"فُهر"
المشهور ب
" قُريش الأوسط "
٦ اجيال
و أقصي جد ل قُصي هو
"النضر"
المعروف ب
" قريش الأكبر "
و بينهم ٩ اجيال
و النضر ده هو ابن
" كنانة"
و هو المشترك الأكبر
مع كل الي ممكن ينتسب ل قُريش
يعني النسب ل قريش
ليه كذا درجة
انت من ناحية
" قُصي بن كَلاب"
" و دول ارفع درجة"
قرشي pure
و لا من ناحية جده الكبير
"فُهر"
و دول درجة متوسطة
قٰرشيين ٥٠٪
و لا ناحية جده الأكبر
"النضر"
" و دي اوهي صلة قُرشية"
قٰرشيين ١٠٪
بس كل دول من
"كِنانة " طبعا
ابو
" النضر"
الي هما من اكبر بطون
فرع عرب الحجاز
الي قلنا عليهم قبل كده بنو
" مُضَر"
في مُقَابِل عرب نجد و الخليج العربي
بنو
" ربيعة"
،،،
كده تأخذ بالك
ان مجد قريش
كقبيلة قوية
ترعي الكعبة
و تعتني بها و تنتفع منها
بدأ مع
"قُصي بن كِلَاّب"
و زاد عليه ابنه
" عبد مناف"
التجارة و الإيلاف
بعد ان أخذ الجانب التجاري
و ترك الجانب الأمني و التنظيمي
لأخوه
"عبد الدار"
ثم أتي اولاد عبد مناف الأربعة الأذكياء
بقيادة
"هاشم" و "عبد شمس"
و أسسوا لعالمية التجارة
و زودوها بالتحصين الأمني و الدبلوماسي
ثم انفصل "أمية" عن عمه
و أسس لفرع قوي جديد
بالتواصل مع الشام بالذات
،،،،
انتقل ميراث هاشم لابنه
" عبد المطلب"
و دي حكاية تانية
اسمه الحقيقي
هو
" شيبة"
اتربي في المدينة
" يثرِب"
مع أمه من بني النجار
الي تزوجها هاشم
في أحد أسفاره التجارية
بعد وفاة والده هاشم
كادت ان تختفي علاقته
بجدوده من قريش،،
مفيش شهادة ميلاد خد بالك
و يمكن محدش غير هاشم
و كام نَفَر تانيين
عرفوا بحكاية زواجه من يثرِب
لغاية ما عم الولد اليتيم
" المٰطلب "
راح و جابه من المدينة و هو
طفل صغير
و إداله حقه في مال ابوه
و اشتهر ب
"عبد المطلب "
لانه من غير ما عَمه يعمل كده
بكرم و أريحية
كان ملوش حق و لا مال عند حد
مش عشان
" المطلب"
اسم من اسماء الله الحسني و لا حاجة
،،،
فيه ناس كتير فاكرة كده و الله
،،،،،
حاجة مُسلية خالص و النعمة
تابعونا
ليست هناك تعليقات:
إرسال تعليق