الجُزء ال ١١
ابن مطيع دخل بيت الوالي
يفكر هيعمل ايه
في المصيبة الي هو فيها دي؟؟
طبعا لقي الي قاله
اضرب المربوط يخاف السايب!
و اقطع رأس الأفعي
تلاقي المشكلة اتحلت!!
فين رأس الأفعي؟؟
المختار مفيش غيره
بالجيش الي طالع ليل نهار،
يهتفوا و يعملوا شغب
و يهيجوا الناس،،
امر قائد الشرطة إياس العجلي
يروح يجيب " المختار" محبوس!
الراجل اخد قوة من الرجالة بتوعه
و راح قبض علي المختار في بيته،
الخبر انتشر بسرعة شديدة
و يمكن كان المختار
مستني الخطوة دي؟؟
لانه كان ثعلب كبير!
و من هواة الحركات الدرامية،،
في دقائق تجمع أنصاره
و هجموا علي الشرطة
و خلصوه منهم
و قتلوا قائد الشرطة!!؟؟؟
ابن مطيع اتبرجل،
و لقي كل شئ بيضيع،
قام عين ابن القائد القتيل
راشد بن إياس،
و قاله روح خد بتار أبوك!!
الراجل حاول،
و كانت النتيجة المحتومة
انه اتعلقت
رأسه المقطوعة علي خشبة
أنصار المختار!!!
،،،،،
واضح ان الامور خرجت خلاص
من تحت إيد ابن مطيع
الجدع هرب كالعادة،
و شاف حد يرضي يخبيه في بيته
سيناريو محفوظ اكلشيه الحقيقة،،
،،،،
هنا بقي نجحت المختار الثقفي
رسميا و بقي ليه الولاية و الحكم
و دخل دار الوالي!!
و دخل عليه الناس
يبايعونه علي السمع و الطاعة
و ان يخرجوا له زكاتهم
و يمنحوه قيادهم
،،،،
طيب فين الشرعية الدينية؟؟
ازاي واحد من ثقيف
يبقي ولي الامر او إمام يعني؟؟
فين القرشيين او آل بيت النبي؟؟
طبعا الثعلب الكبير ده،،
كان بينه و بين
"محمد ابن الحنفية"
كبير الطالبيين
مراسلات و رجال من الكوفة،
بِ يظهر الولاء و التبعية و الانقياد
لآل بيت النبي
و انه ما خرج
و كسر بيعة ابن الزبير،،
الا للثأر من قتلة الحُسَيَن
و إحقاق الحق و تثبيته
و نصرة الله و نبيه!!
و لم يستنكر محمد ابن عَلِي
ابن الحنفيةAKA
كلامه او يقول له
روح العب يا جدع بعيد
و إنما قاله
ربنا يوفقك و يسدد خطاك!!
و دي كانت أَمارة كبيرة قوي،،
أتفهم منها انه المختار
بيدعو و يحكم و يقود و يقاتل
باسم آل بيت النبي
و كبيرهم محمد بن عَلِي،،
في ظل ابتعاد
عَلِي زين العابدين ابن الحسين
و ابناء عمه الحَسَن
عن الكلام في السياسة
من بعد الضربة الي خدوها
ساعة مقتل الحسين و صحبه،،
،،،،،،
و بكده يتفرد المختار
بثورته دي،،
ثورة بالنيابة
عن آل بيت النبي
بدون وجودهم حواليه
و بدون استئذانهم في الثورة
او الولاء لهم من البداية!!!؟؟
هي ثورة عشوائية غامضة
بالنسبة للفقهاء و رجال الدين
من الناحيتين!
و المبايعة له
كانت غريبة الشكل
فلم يكن الناس
يبايعون له كخليفة
او حتي ك والي عن خليفة
و إنما علي الانتقام
و انه يكون
واحد منهم و يحميهم
و يكون الكبير بتاع القعدة!!؟؟
حاجة مشابهة
بالي حصل مع
المُهلب بن ابي صُفرة في البصرة؛؛
احمينا و خد تفويض
مع الفارق الشكلي،،
في ان البصرة
كانت مش شيعية الميول ،،
و عشان كده
رضوا بابن الزبير
ك خليفة في الواجهة
و تكون الأشياء مختومة بخاتمه
و الامور مشمولة ببركته!!؟
،،،،،
طبعا المختار مكنش
عايز يعادي ابن الزبير
بالذات في البداية،،
فطلع ابن مطيع
من مخبؤه
و إداله فلوس
و قاله انت حر و امشي،؟
و بعت لابن الزبير
يقوله ابن مطيع كان بيخونك
و بيراسل الامويين !!!
و انا عرفت كده
و عشان كده خلعته؟؟؟
و مش عارف
كان بيضربني ليه!!؟؟
مع اني مكنتش
خلعت طاعتك!!!!!
تعلب كبير و داهية خطير
بيشكك ابن الزبير في نفسه
لان رسالته دي بعتها
قبل ما يطلق سراح
ابن مطيع،،،
الي لما راح مكة
لقي ابن الزبير
مشحون ضده
و بيتهمه بالخيانة،،
و ده يدي المختار
كام أسبوع
يظبط نفسه
و يخلي ظروفه مستقرة
و يقضي علي المعارضين
الي هو عارفهم كويس،،،
المختار ده
من رواد الثورات الناجحة
في الخلافة الاسلامية
مفيش حاجة تقف قدامه،،،
خطب خطبة قوية في الناس
جاء فيها
«الحمد للّه
الذي وعد وليه النصر،
وعدوّه الخسر،
وجعله فيه إلى آخر الدهر
وعداً مفعولاً،"
يعني هو ولي الله
الي بِ يحقق أمره،،
" أيّها الناس
إنّا رفعت لنا راية
ومدّت لنا غاية
فقيل لنا في الراية
إنّ إِرفعوها،
وفي الغاية
أن أجروا إليها ولا تعدوها،
فسمعنا دعوة الداعي
ومقالة الواعي"
بيلمح لشرعية الثورة و قيامها
بموافقة من محمد ابن عَلِي
،،،،،
في الوقت ده
كان تحالف مع رأس كبيرة
من قادة القبائل
ابراهيم بن الأشتر النُخَعي
،،
فاكرين ابوه الأشتر طبعاً
قائد عَلِي بن ابي طالب القوي
و قائد من قواد الثورة علي عثمان
و قتيل العَسل في مصر!!
،،
ابراهيم ده
كان مصدر قوة كبيرة للمختار
عِزوة و شباب و قوة و حماس،،
و كان خير معين للمختار
في مغامرته المليئة
بالنجاح و الصراع
و الدماء و الغدر،،
،،،،،
يا لثأرات الحسين
يا منصور أمِت أمِت!((
شعار الانتقام الدموي
الي كان بيرج جنبات الكوفة؟(
،،،،
الناس الي كانوا اشتركوا
في قتل الحُسَيَن
من اهل الكوفة
تم تعقبهم و قتلهم قتلا شنيعاً
علي يد المختار؟(
زي ما تم قبلهم تعقب و قتل
الي اشتركوا في قتل عثمان
من اهل البصرة و مصر
علي يد الامويين و جيش حلف مكة،،
و في الحالتين
كان انتقام دموي
تم حفظه علي مر التاريخ،،،،
بس التنكيل بقتلة الحسين
كان بمثابة سيمفونية دموية
عزفها المختار
بمنتهي الإخلاص ،؛
،،،،،
عُمر بن سعد بن ابي وقاص
كان قائد سرية الموت
زي ما تفتكروا
كان بقاله فترة قاعد لوحده
و سايب الدنيا،،
و بعد ما شاف شعارات الثأر
مالية الكوفة،
بعت أخد الأمان من المختار
من ناس معارفه!!
قام المختار اداله أمان
من تحت الضرس
بعد ما هزقه
و عايره ب عملته إياها،،
ناس جُم لعُمر
و قالوله الحق
المختار ناوي يقتلك،،
حاول يهرب
بس الناس
الي بعتهم المختار
لحقوه و مسكوه،،
اتكعبل و هو بيهرب
و قع علي الارض
قطعوا رأسه
و هو علي الارض،،
،،
الأول
،،،،
أخدوه رأسه
و راحوا للمختار،،
ابن عُمر القتيل ده
و اسمه حفص
كان جنب المختار وقتها،،
قاله مين ده
و ايه رأيك فيه؟؟
اختبار ولاء و كده
مستنيه يتبري من ابوه ،،
قالهم ده ابويا
و أحب الناس ليا،،
قالوله يبقي نجمعكم ببعض
و تروح تقابله في جهنم،،
و الله لو قتلنا منكم آلاف
ميكفيناش تار دم الحُسين
و قطعوا رأسه هو كمان،،
،،
التاني
،،،،
و اتعلق الرأسين
و قامت فرحة كبيرة
وسط أنصار المختار!!
،،،،
شمر بن ذي الجَوْشَن
فاكرين دوره في قتل الحسين؟
كان القائد التاني ،،
و كان راح
يفتش علي عُمر بن سعد
و يتأكد من تنفيذ القتل،؟
حاول يدافع عن نفسه
و هرب،
و كان ناوي يروح البصرة
بس لحقوه،
و مسكوه و قتلوه،
و قطعوا راسه
و علقوها علي خشبة و بعتوها،
لأمير الانتقام
المختار
،،
التالت
،،،،،،
خولي بن يزيد
و كان مشتبه
انه قطع راس الحُسَيَن
بعد وفاته!!
راحوا له بيته
استخبي منهم
سألوا مراته
شاورتلهم علي مكانه
هجموا عليه
و قتلوه
و قطعوا رقبته
و حرقوه،،،
التغيير كويس برده
،،
الرابع
،،،،،،
زيد الجنبي
كان متهم ،،
برمي شباب الطالبيين
يوم كربلاء بالأسهم،،
حاصروه
و اجتمعوا عليه
و لم ينازلوه بالسيوف!!
و إنما رموه بالأسهم
لغاية ما بقي عامل
زي السَفنجة بتاعة دبابيس الإبرة؟؟؟؟
ايه الجمال ده
،،
الخامس
،،،،
عمرو الحدائي
كان متهم
برمي اصحاب الحُسَيَن
بالرماح و طعنهم و قتلهم،،
مسكوه
و قتلوه طعنا بالرماح!!
عدالة ناجزة
،،،،،
السادس
،،،
عمرو الزبيدي
كان من كتيبة الغبرة المذكورة
هرب بالناقة من المجزرة دي
لحقوه
و هو في الصحرا
عطشان من غير مٓيه
ذبحوه و ريحوه،
ناس في قلوبهم رحمة حقيقي
كان ممكن
يسيبوه يموت من العطش،،
،،،،
السابع
،،،،
يزيد بن ورقاء
حاول يحاربهم
ضربوه بالحجارة
وقع في غيبوبة
قاموا ولعوا فيه!!!
يمكن حد كان كارهه شوية؟؟
،،،،
الثامن
،،،،،
حكيم السنبسي
مسكوه أسير،
أهله اتوسطوا
و راحوا يجيبوا الأمان،
و الظاهر انه
سرق بس من القتلي
و مقتلش حد
في معركة قتل الحسين و صحبه،،
بس برده منَفِِدش
و الي ماسكينه قتلوه صبراً،،
حذراً من
انه ياخد عفو و لا حاجة
الاحتياط واجب
،،،،
التاسع
،،،،،
حرملة بن كاهل
اتمسك و تم أسره
و بعدين في
يوم المختار كان زهقان!!
قام جابه و قطع أيديه
و بعدين قطع رجليه
و بعدين أشفق عليه من العذاب
فرماه في النار؟،
المختار ده
قلبه ابيض من جوه،،
صعب عليه الجدع يا كبدي
و هو بيفلفص زي الفرخة كده
قام شواه زي الفرخة برده،،
،،،،
العاشر
،،،
بس برده
في كام واحد قدروا يهربوا،،
ابن منقذ و الخثعمي
و محمد بن الأشعث،،
،،،،،،
اشتد أمر المختار
مع كل مقتلة و رأس طائرة
في المذبحة دي،،
،،،
و يقال انه بعت رأس
عُمر بن سعد و ابنه
ل محمد بن عَلِي
يبشره بقتل الظلمة الفجرة
و الانتقام لمقتل الحُسَيَن ،،
،،،،،
و مع انتشار الرُعب و الفزع
تكاثر الناس الي
بييجوا يبايعوه
خوفاً و هلعا ً،،
و امتد ملكه و سلطانه
حتي صار
يجاور الامويين
في الشام،،
و بعتوا له جيش كبير
يقوده
القائدين الكبيرين
عبيد الله بن زياد
و الحصين بن نمير
،،،،
و كانت معركة مهولة
حصل ايه؟؟
تابعونا،،،،،
ليست هناك تعليقات:
إرسال تعليق