الجُزء ١٥
أكمل مُصعب القتل
فقتل ابني حُجر بن عَدي
الصحابي الثائر علي معاوية،،
و قتل ابن الصحابي
حذيفة بن اليمان،،،
كانوا كلهم في جيش المختار
قتلهم صبراً،،
و انضموا لطابور طويل
من المٰحدِثين و القُراء
و ابناء الصحابة و التابعين،،
ماتوا في الحرب المقيتة
بين البصرة و الكوفة،،
،،،،
و بكده يبقي اهل البصرة
ردوا القلم لأهل الكوفة
الي كانوا قتلوا منهم كتير
في موقعة الجمل،،،
،،،،،
كاس دم و داير
محدش بيرتوي ابداً،،
،،،
اخيراً تم الأمر لابن الزبير
قطع دابر الفتنة،،
و قضي علي جيش المهدي
و قتل أميره "المختار"،،
و ضم الكوفة للبصرة
و بكده بقي يقدر يتفرغ
للصراع مع الامويين،،
بس الحقيقة
انه مكنش مبسوط قوي
من الي عمله اخوه
من تحالف و اتفاق مع ابن الاشتر!!
لانه فاكر كويس
ازاي الاشتر ابوه
كان حيفطسه و يقتله
يوم موقعة الجمل لولا مساعدة الناس،
و فاكر ان الاشتر و رجاله
كانوا السبب في هزيمة جيشه
في موقعة الجمل،،،
بس سكت و عداها
لانه أتعلم في آخر أيامه،،
ان السياسة مفيهاش ثوابت
و الي كان امبارح عدوك،،
عادي النهاردة
تتصور جنبه و انت مبسوط،،
،،،،،
نسيب بقي شوية
الخناقات و الدماء
و نسمع شوية طراوة و دلع،،،
اديني الحلاوة،،
،،،،
العقيلة القرشية
عائشة بنت طلحة بن عبيد الله التيمي،
أبوها غني عن التعريف
طلحة الخير
الصحابي الجليل
و المليونير الكبير،،،
أمها ام كلثوم بنت ابي بكر،،
و خالتها السيدة عائشة،،
و خالها عبد الرحمن بن أبي بكر،،
و النبي يبقي جوز خالتها،،
و الزبير بن العوام جوز خالتها التاني،،
و جدها طبعا ابو بكر الصديق،،
اتربت وسط دلع و ثراء
و من بعد وفاة والدها و أخوها
في حرب يوم الجمل،،
مشفتش ايام سيئة
علي المستوي الشخصي،،
و اتجوزت ابن خالها
عبد الله ابن عبد الرحمن
و خلفت منه بنت،،
،،
و بعدين مات
و اتجوزت بعده
الامير مُصعب بن الزبير
و كان يهيم بها عشقا و حبا،،
فقد كانت
جميلة الجميلات في عصرها،،،
و لم تكن من المٰخدَرَات
- ربات الخدور و البيوت يعني-
اللائي لا يظهرن للناس الا لماماً،،
بالعكس
كانت امرأة
جميلة فخورة مثقفة
متعلمة شاعرة
واثقة من نفسها،،
متخافش من كلام الناس
و لا يقدر حد يمس لها طرف،،
هي عقيلة العوائل
و درة سيدات قريش،،
و كانت قمرا لامعاً
في سماء عصرها
مضرب المثل في
الجمال و الكمال
و الطلاوة و الحلاوة،،
و في حُسنِها تباري شعراء قريش
في المدح و تدبيج القصائد!!!
،،،
و لم يكن اي من ذلك
يعيب المرأة اطلاقاً،،
ف السيدة عائشة زوجة النبي
و السيدة فاطمة ابنة النبي
و السيدة خديجة زوجة النبي
و السيدة زينب ابنة النبي
كُن كلهن
سيدات قائدات مستقلات
يكلمن الرجال بلا حرج او خوف،،،
و كانت السيدة عائشة
تعامل الرجال
معاملة الأم
العالية فوقهم
مش حتي معاملة الند،،
و السيدة فاطمة
وقفت وحدها تقريبا
ضد كل المسلمين
في رفض بيعة ابي بكر
و مقدرش عليها حتي جوزها عَلِي!!!
و السيدة خديجة
راحت خطبت النبي وِش،،
و قيل ان أبوها
مكنش راضي بالجوازة
فَسَقَته خمر ليلة الفرح
عشان ينسطل و يوافق!!
و السيدة زينب
زوجة ابي العاص
الي قعدت مع زوجها في مكة،
عن حب و قناعة
رغم ان كل المسلمين بما فيهم أبوها
مشيوا و هاجروا،،،
و راحت في المدينة
في صلاة الفجر
بعد ما قافلته
اتنهبت و ضاعت
و جري بالليل استخبي عندها،،
و قعدت تهتف في الناس
وسط الجامع
انا زينب
و قد أجَرت زوجي ابي العاص!!
و النبي مَشي كلامها!!!
و غيرهن و غيرهن
من نساء قريش،،
و ما هند بنت عتبة
زوج ابي سفيان
و ام معاوية
الا مثال قوي آخر،،
أخدت بتارها
من حمزة عم النبي
و نجحت فيما فشل فيه الرجال ،،،
و راحت تحمي
زينب بنت النبي
من الناس الي طلعوا يضربوها
لما كانت رايحة من مكة للمدينة
عند أبوها بعد موقعة بدر،،
وِ شخطت في الناس
و قالت لهم يا
شوية رجالة ورق!!!
- هي قالت أسوأ من كده طبعاً-
بتتشطروا علي الستات
و انتوا يا خيبتها منك له
لسه متزوقين في الحرب!!!!
و قالت لزينب
قوليلي يا حبيبتي
علي طلباتك!!
و انا تحت أمرك !!
انتي بنت عمي
و الستات
ميمنعمش الي بينهم
خناقات الرجالة!!!؟؟
،،،،،
و الكثيرات من نساء قريش
كن حرائر بجد،،
يعني الواحدة تمشي
بثقة كده وسط الرجالة
و تأمر و تنهي
و ممكن تهزر كمان،،
و الرجالة ينفذوا أوامرها
و هي متتكلفش
الا انها ترضي عنهم،،،
كل ده من غير ما يكون فيه
خجل او كسوف او احساس
بالنقص او الدونية امام الرجال،،،
و الست منهم كانت
تتجوز واحد و التاني
و يمكن التالت و الرابع،،
و كلها غندرة و دلع و تَمَكُن،،
الي سابها تسيبه
و الحي ابقي من الميت ،،،
هو ده
معني "الحرائر " الحقيقي،،،
الواثقات من نفسهن
الي الواحدة منهن
تبقي وسط ميت راجل
و محدش يقدر يمسها بالغلط،،،
،،
المعني ده تم تغييره بعد كده
و بقت "الحرائر"
هما الي
ميعرفوش يعني ايه ثقة بالنفس،،
و مليانين عقد نقص
و يقفوا ورا اي راجل،،
عشر خطوات
حتي لو كان أهبل و بيخرف،،،
و ابن الواحدة منهن او اخوها
الي عنده سبع سنين،،
يجرها من أيديها و يشخط فيها
و كلمته تمشي علي رقبتها ،،،
و تم إلصاق كل ده بالدين
و ان الي متعملش كده
تبقي منحلة و ناقصة
و خسرانة دينها،،،
لانها ليها كيان
وشخصية مستقلة
و إرادة و عقل و روح حرة،،،
و مش راضية تستسلم
و تكون تابعة ذليلة
او ماكينة لإنجاب الاطفال و خلاص
عشان تبقي من " الحرائر"،،،
،،،،،
الامير مُصعب
عشان يتجوز عائشة
و ترضي عنه،،
بعت لها المراسيل و المكاتيب
و اداها مهر
الف الف" مليون" درهم
و كان فرح و لا فرح
الامير ويليام و كيت ميدلتون،،
،،،
و في ذلك
غضب احد المتشددين
فقال مخاطبا الخليفة
ابن الزبير اخو العريس:
أبلـغ أمير المؤمنـين رسالـة
من ناصح لك لا يريد خداعا
بِضع الفتاة بألف ألف كامل
وتبيتُ حراس الثغور جيـاعا
،،
يرضيك يا أمير المؤمنين
بعزقة الفلوس
علي الحريم كده
مَهر مليون
و الناس مش لاقية تأكل؟؟
طبعا أمير المؤمنين
بيعمل عُمرة و مش فاضي،،
،،،،
كانت عائشة
كل يوم تعمل في بيتها
مجلس مختلف:
الشعراء
و المغنيين
و رجال الحديث و الأخبار،،
و تدي المنح و الهدايا
بثبات و أرستقراطية أصيلة،،
فَشَر ندوة مي زيادة
الأديبة الشاعرة
التي وقع في حبها
كبار الأدباء و المفكرين،،
،،،،
قال أنس بن مالك لعائشة بنت طلحة:
إن القوم يريدون
أن يدخلوا اليك فينظروا إلى حسنك!
قالت: أفلا قلت لي
فألبس حسن ثيابي.
...
يروي الأصفهاني:
"كانت عائشة بنت طلحة
لا تستر وجهها من أحد،
فعاتبها مصعب زوجها فقالت:
إن الله تبارك وتعالى
وسمني بميسم جمال
أحببت أن يراه الناس
، ويعرفون فضلي عليهم،
فما كنت أستره،
والله ما فيَّ وصمة يقدر أن يذكرني بها أحد"
،،،،،
طب هي الست دي مثلا
مشكوك في سلوكها؟
او يمكن لا مؤاخذة مشيها بطال؟؟
يا أستاذ دي من رواة الأحاديث!!
و قدرها و مقامها
فوق راس اي فقيه،،
من الي يطلع يسَوِق للبس الخيمة
و وأد البنات عقليا و نفسيا
و الي بيستنكرواإزاي
ذوات الفروج يركبن السروج؟؟
- الستات تركب عربية-
معندهمش حق يا مولانا فعلا،،
،،،،،
طبعا أكيد دلوقتي
تلاقي ناس جالها شُحار
و بيخبطوا دماغهم في الحيطة،،
و بعد ما يتأكدوا من الكلام
و يعرفوا الحقيقة،،
مش بعيد يلطموا
علي العمر الي ضاع في الكآبة،،
و الأفكار المسممة الكارهة
الي رضعوها من كراهية
للستات "حبائل الشيطان"،،
بينما السلف الأوائل كانوا
مقضيين الوقت
هزار و هيصة،،
،،،،
نزيدكم من نوادرها
غضبت من مُصعب
و حلفت متباتش في سريره
و لسانها ما يخاطبش لسانه؟!!؟؟
لا لا مضربهاش سعادتك ،،
بعتلها فقيه اسمه الشعبي
قالها ده
يمين لغو
و ميحسبش،،،
و الراجل قايم يمشي
مسكت فيه و قالتله
و الله ابداً الا اما تأخذ هديتك
و أدته الي فيه النصيب،،
،،،
مرة تانية ، مُصعب
جاله غنائم و فلوس و جواهر،،
قام فرح و خدهم
بعد الشغل ما خلص
و طلع علي مراته الجميلة
جاي يفرحها و يتمنظر قدامها،،
لقاها نائمة قام هزها جامد
اصحي يا جميل
و شوفي جبت لك ايه،،
صحيت مخضوضة
فيه ايه؟؟
قام قعد يبذر فوقها
اللؤلؤ و الجواهر
و هو منتظر مكافأة و أحضان،،
راحت رافساه في جنبه!!!؟؟؟
و رامية الجواهر عليه !!!؟؟؟
بتصحيني عشان
شوية جواهر يا حم،ر
انت مش شايفني في سابع نومة
و عارف ان نومي قليل!!!!!!!!!؟؟؟؟
،،،،،
مرة ماشية في مكة
قابلت الشاعر الكبير المخزومي
عُمر بن ابي ربيعة،،
قالها صباح الفل يا باشا
اسمعي بيتين الشعر دول قلتهم
في عيونك يا قمر،،
قالتله يخيبك يا مدهول
انت قلت فيا شعر؟؟
قالها حصل،،
قالتله طب سمعني قلت ايه؟؟
"ياربة البغلة الشهباء هل لك في *
بأن تنشُري ميتا لا ترهقي حرِجا
قالت بدائك مِت أو عِش تعالجه *
فما نرى لك فيما عندنا فَرَجا"
،،،
يا الي راكبة في العالي
اخوكي مات و طلعت روحه
و مستني الدوا منك
قالتلي و انا مالي
ايه طلعك للعالي
روح موت و لا يشغل بالي
،،،،
قالتله حلوة دي يا عُمر
مستواك ميقلش عن كده
باي بقي!!!؟،
،،،،،
مرة راحت تحج
و بعد الحج
جت صاحباتها و الجواري
و ضحك و هزار و هدايا،،،
و المغني الي اسمه "الغريض"
واقف علي الباب،
و بعدين الستات مشيوا بالهدايا
و محدش اداله حاجة،،
قام قالها فين هديتي يا ست الكل؟؟
قالتله نسيتك و الله معلش مرة تانية،
قالها و الله مانا ماشي
الا ما آخذ هديتي
و قعد يغني أشعار و أغاني،،
قامت انبسطت جداً منه
و قالتله طب قولي الحتة الفلانية،،
طب باب الشعر العِلاني،،
طب حاجة سيد مكاوي!!!؟
و في الآخر إدته
هدية جميلة و معتبرة،،
،،،،،،
مرة تانية غضبت من مُصعب
- مُصعب ده
كان مقضيها زعل مش جواز-
قام واحد قاله انا احلها لك،،
و راحلها و قالها:
انا ليا عندك خاطر؟
قالتله آه من زمان،،
قالها و كنت زمان بحبك
و أقول فيكي شعر؟؟
قالتله دي كانت احلي أيام!!
قالها طيب خلاص
عشان خاطري
ارجعي للأمير مُصعب!!
هو وعدني بجائزة
لو صالحتكم علي بعض؟؟؟
و بكده تبقي كرمتيني آخر كرم
و الله يا ست الناس!!!!
قالتله بقولك ضاربة معاه
خناقة و مشلفطين بعض
ارجعله ده ايه
انت اتهبلت؟؟
قالها عشان خاطري
يوم و لا يومين
اخد الجائزة،،
و هتتخانقي معاه تاني
انتي أصلك مخك طاقق خِلقة!!!
فطست علي روحها من الضحك
و قالتله عشان خاطرك بس!!!
و صالحت مُصعب،،،
يا سعدك يا مُصعب،،،
،،،،،،
مرة بتعمل عُمرة و بتطوف الكعبة
واحد شافها و عجبه شكلها
قالها انتي مين يا شابة؟
قالتله:
من اللائي لم يحجِبن يبغين حسبة *
ولكـن ليقتلن البريء المغفـلا
،،،
انا واحدة حرة و محدش له عندي حاجة
و الي مش قد حلاوتي و هيموت
هو مغفل و خام و مش غلطتي
،،،،،
نرجو ان نكون قد ساهمنا
في حسرتكم علي العمر
الي ضيعتوه في الغباوة
و نتمني ان فيلم الليلة يكون نال إعجابكم
تابعونا،،،،
ليست هناك تعليقات:
إرسال تعليق