الجُزء ٢٥
الحجاج بن يوسف الثقفي
بعد المغيرة بن شعبة
و زياد بن ابي سفيان- ابن ابيه-
و المختار الثقفي،،
جاء الدور علي واحد تاني
من ابناء ثقيف و الطائف
في المُلك و الحكم،،
الحجاج،،
الصورة الذهنية المعروفة ليه
انه جزار كبير
و ده صحيح الحقيقة،،،
بس الي متعرفوش
ان الحجاج كان
ذراع عبد الملك اليمين،،
في اكبر حركة
غيرت وجه الامبراطورية
و خلتها فعلاً امبراطورية عالمية،،،
مش مجرد هجوم خاطف
من البدو العرب البدائيين
علي البلاد العريقة الحضارة
المجاورة لهم المليئة بالخيرات،،
،،،،
هما الاتنين
عملوا التغيير
الي اشتقوه من درس
الامبراطورية الرومانية،،،
خلوا الانتماء للإمبراطورية
متاح لكل الناس ،،
انت بس تخدم الامبراطورية كويس
و ممكن تترقي لأي درجة
في الكادر الاداري و العسكري،،،
بس الامبراطورية دي
تظل عربية القلب و الطابع
و فيه حاجات لازم تكتسبها ،،،
قبل ما تبقي
"مواطن جيد" في المملكة دي،،
اهم حاجة فيهم انك
تتعلم اللغة العربية
الي بقت لغة المراسلات
و لغة الجهاز الاداري،،
كان المبرر للتغيير ده
أنهم عارفين
ان العرب في الجزيرة،،
هيفضل جزء كبير منهم للأبد
ضد الامويين و حاقد عليهم
مهما انتفع من دولتهم،،
فعملوا علي تجنيد ناس جديدة
تدين بالولاء الأساسي لهم
زي اهل الشام كده ،،
و بالتدريج دخل ناس
من فارس و مصر و البربر
في الدولة الجديدة دي،،
كإداريين او محاربين،،
،،،،،،
الحاجة التانية المهمة
ان كل المسلمين يدينوا
للحجاج بتنقيط القرآن
و تقسيمه لأجزاء و احزاب،،
يعني القرآن الي
انت بتقرأه كل يوم
هو من إنجازات الحجاج،،
أنت مش بتقرأ المصحف
الي تركه النبي
في الصدور و الرقاع،،
او الي جمعه ابو بكر
علي يد زيد بن ثابت،،
او القراءة الي وحَدها عثمان
علي يد اللجنة الي
ضمت عبد الله ابن الزبير،،
او الصورة الي أمر زياد بن أبيه
باضافة علامات التشكيل لها
علي يد ابو الأسود الدؤلي،،
انت بتقرأ التطوير الخامس له
علي يد
عبد الملك بن مروان و الحجاج
و نفذ ذلك
نصر بن عاصم و ابن يعمر،،
و التطوير بتاع الحجاج ده بالذات
لا يمكن تقريبا
قراءة القران بدونه حالياً،،
و هو في الحقيقة
تطوير للغة العربية نفسها،،
الي انت بتقرأها و تكتبها
كل يوم و كل لحظة،،
يعني تأثير الحجاج
في اللغة و الدين
يفوق كل الفقهاء و المشايخ
الي أتوا بعده أجمعين،،،
هو الي مهد الطريق و سَفلِتُه
بعد ما كان مفيش طريق اساساً،،،
و ده فضل الريادة و السبق
الي قلما حاجة توصل له،،،
،،،،،
تدرج بذكاؤه و كفاءته
من واحد من الموظفين في دمشق
لقائد كبير و والي
و احد أهم الوزراء
في تاريخ الامبراطورية،،،،
قصة كفاح مش جاية علي المرتاح،،،
،،،،
بعد ما وصل
انه بقي والي العراق،،
راح الكوفة و دخل المسجد
و الجيش الإمبراطوري محَوطه
و هو لابس عمامة حمراء،،
و قف و قال خطبته الشهيرة،،
الي غطت علي خطبة
ابن زياد الشهيرة برده،،،
و التي تصلح لتقييم الوضع و معرفة
رأي الناس في بعضهم البعض
في هذا الزمن البعيد،،،
،،،
بدأ بالشعر
فاستشهد ببيت قديم:
أنا ابن جَلا وطَلاع الثنايا
متى أضعُ العمامة تعرفونني ،،،
،،،
يعني انا عَلَم و وحش ،
و متي شفتوا
علامة من علاماتي
تقفوا انتباه،،،
،،،،
والله يا أهل العراق
إني لأرى رؤوساً
قد أينعت وحان قطافها،
وإني لصاحبها،
او "لقاطفها"،،
،،
انا شايف ناس
رايحة لأجلها
و راسهم واجعاهم
و انا هاريحهم من الصداع
خااالص
،،،،
. يا أهل العراق،
يا أهل النفاق والشقاق
ومساوئ الأخلاق،
إنكم طالما أوضعتم في الفتنة،
واضطجعتم في مناخ الضلال،
وسننتم سنن الغي،
وأيم الله لأقرعنكم قرع المروة،
ولأعصبنكم عصب السلمة
ولأضربنكم ضرب غرائب الإبل،
،،،،
أنتم ناس بتوع ذمم خربانة
و انا ها شغل فيكم ضرب
اكتر من ضرب الصخور
و ضرب الشجر و الإبل الضائعة،،
،،،
فاستوسقوا واعتدلوا،
ولا تميلوا،
واسمعوا وأطيعوا،
وشايعوا وبايعوا،
،إنما هو انتضاء هذا السيف،
ثم لا يغمد في الشتاء والصيف،
حتى يذل الله لأمير المؤمنين صعبكم،
ويقيم له أودكم، وصغركم،
وأعطيت الله عهداً يؤاخذني به،
ويستوفيه مني،
لئن تخلف منكم أحد
بعد قبض عطائه
لأضربن عنقه.
ولينهبن ماله.
وإنما أنتم كما قال الله:
"ومثل كلمة خبيثة كشجرة خبيثة
اجتثت من فوق الأرض مالها من قرار".
اقرأ كتاب أمير المؤمنين يا غلام
فقال القارئ: بسم الله الرحمن الرحيم،
من عبد الله
عبد الملك أمير المؤمنين
إلى من بالعراق من المؤمنين والمسلمين،
سلام عليكم،
فإني أحمد إليكم الله،
فسكتوا ،
فقال الحجاج من فوق المنبر:
"أسكت يا غلام"، فسكت،
فقال
:" يا أهل الشقاق،
ويا أهل النفاق
ومساوئ الأخلاق.
يسلم عليكم أمير المؤمنين
فلا تردون السلام؟
هذا أدب ابن أبيه؟
والله لئن بقيت لكم لأؤدبنكم أدباً
سوى أدب ابن أبيه،
ولتستقيمن لي
أو لأجعلن لكل امرئ منكم
في جسده وفي نفسه شغلاً،
،،،،
يا ناس يا مش متربية
انتم اصلكم
ملقيتوش حد يربيكم
و انا هقوم بالمهمة دي!!!
بقي أمير المؤمنين
بُيخْطب و يسلم عليكم
و انتم زي المصايب
مترودوش عليه يا بَجَم منك له؟؟
،،،،
اقرأ كتاب أمير المؤمنين يا غلام"،
فقال: بسم الله الرحمن الرحيم
فلما بلغ إلى موضع السلام
صاحوا
وعلى أمير المؤمنين السلام
ورحمة الله وبركاته،!!!!!
فأنهاه ودخل قصر الإمارة!!!" .
،،،،،
شفتم ازاي الناس
تخاف متختشيش
من زمااان
،،،،،
و هو ده
الراجل الي قد كلمته،،
الي عارف انه قد وعده،،
و بيمشي في الطريق
لآخره بدون تردد،،
و يقطع اي مصدر للمشاكل
بلا تفكير او ندم،،
،،،،
طيب هو لازم الواحد يبقي
جزار و مَكَنة لعَصر البني آدمين
عشان يلم الموضوع
و يحل الصراعات؟؟
و الله انتم شفتم الحكاية معانا
لغاية دلوقتي،،
و شفتم ان ناس زي
ابن الحنفية،،
و ابن عُمر،،
علي كِبِر مقامهم و قدرهم،،
رسالتهم السِلمية- نسبياً طبعاً-
كانت غير مفهومة
و غير منتشرة،،
و ازاي ان الناس
كانت حماسهم للقتل و القتال
أضعاف تقديرهم
لداعي حقن الدماء
او التسامح حتي،،
كلمة زي "التعايش السلمي"
معناها عند الناس دي
انك تأخذ علي دماغك
و تسكت
و تحمد ربنا علي العيشة
و الي سامح لك تعيش فيها أصلاً،،،
،،،،،
و لناس زي دول
و طبع زي ده،،
مفيش غير الحجاج و أمثاله
و يحمدوا ربنا علي كده،،
،،،،
الحجاج مش محبوب
في التاريخ الاسلامي
و مشهور عنه القتل و الفزع
و انه اكبر قتلة التاريخ،،،
هو فعلا قاتل كبير
بس هل هو اكثر قتلا و فتكا
من ابو العباس السفاح
و لا اكثر من ابو جعفر المنصور؟؟
غالبا لا ،،،
بالأعداد المبالغ فيها حتي،،
فهم قريبين منه،،
هل كان اول المبيدين
او "المبيرين"؟؟
زياد بن ابيه
كان أستاذه الكبير
و الحجاج مجرد تلميذ
في مدرسة زياد،،
زياد مكنش عنده
جيش الشام
كل شوية ينجده،،
و كان عايش وسط
قادة الفتن و الثورات الأصليين
مش الأجيال التالية منهم،،
،،،،،
طيب ليه هو مميز و فيه حقد كبير عليه
بالذات من رجال الدين و الفقهاء؟؟
،،،،
الأسباب هتلاقوها كمان شوية
تابعونا،،،،،
