الجزء الخامس
((فقم يا علي فقام إليه، فوقف تحت المنبر فأخذ عبد الرحمن بيده، فقال:
هل أنت مبايعي على كتاب الله وسنة نبيه صلى الله عليه وسلم وفعل أبي بكر وعمر؟
قال: اللهم لا، ولكن على جهدي من ذلك وطاقتي،
قال: فأرسل يده، وقال: إلي يا عثمان،
فأخذ بيده، فقال: هل أنت مبايعي على كتاب الله وسنة نبيه صلى الله عليه وسلم وفعل أبي بكر وعمر؟
قال: اللهم نعم،
قال: فرفع رأسه إلى سقف المسجد ويده في يد عثمان
، فقال: اللهم اسمع واشهد، اللهم اسمع واشهد، اللهم إني قد خلعت ما في رقبتي من ذلك في رقبة عثمان، ))
،،،،،،،
،،،،،،،،
وقفنا عند وفاة عمر بن الخطاب علي يد ابو لؤلؤة ،،
فيه حتة قعدت فترة مفهمتهاش قوي في الحكاية دي،،
هو ابو لؤلؤة -و الي اسمه فيروز- ،،
مجوسي فعلا؟؟
يعني من عباد النار و كده؟؟؟
غريبة قوي،،
طيب ازاي كان عايش في مدينة الرسول؟؟
و ازاي دخل وسط المسلمين في الجامع و هما بيقيموا الصلاة
و تسلل حتي وصل الصف الاول و ضرب الخليفة ضربات عدة بخنجره؟
معروف ان دخول المسجد الحرام و مسجد الرسول
غير مسموح حتي للكتابيين
فمابالك بمجوسي؟؟
فيه أوصاف ليه انه نصراني،'
مسيحي كتابي يعني
الله يعني مش متأكدين أساسا انه مجوسي
كما ان الجزيرة العربية كلها ليس لكافر ان يقيم بها،،
ازاي المجوسي ده قاعد في قلب مدينة الرسول؟؟
و النص الي جبته في الحلقة السابقة من حوار عمر و ابن عباس بعد طعنه
ابن عباس بيقوله نخلص علي كل العلوج دول جراء وفاقا للفعلة الشنعاء دي
و عمر يعترض و بيقول عن العلوج انهم صلوا صلاة و المسلمين و استقبلوا قبلتهم!!
و كمان فيه كلام ان اخو فيروز ده كان اسمه ذكوان و كان مسلم،،،
و كان ابن ذكوان ده بعد كده من كبار فقهاء المدينة
و بنت فيروز نفسه كانت مسلمة،،،
طيب يعني ايه؟؟
ممكن يكون مسلم ؟؟
الحقيقة ان الشيعة بيقولوا كده،،
و كمان بيقولوا انه بطل لانه قتل عمر الحاكم المفتري في نظرهم
و ده يفسر ليه هو بطل و بيحتفلوا بيه في ايران حتي الان،،
مش هيحتفلوا بواحد مجوسي أكيد ،،،
و الرأي ده ده ان صح يخلي للحكاية بعد تاني خالص
اكتر من مجرد الانتقام لما فعله الغزاة العرب ببلاد و قوم فيروز ده
او حتي المؤامرة الإمبريالية لقتل الخليفة و ضرب الاسلام..
ده ممكن انه كان اول واحد ضرب بايده في الفتنة الي بنحكي عنها
و ممكن يكون قتل الخليفة عمر ظنا بانه حاكم ظالم و مغتصب
الحتة دي يا جماعة جديدة عليكم اكيد
و كم بالتاريخ من الغاز...
طيب
نكمل الحكاية،،
،،،،،
زي ما قلنا
ان فيروز ده كان قاعد مع اتنين صحابه لما وقع منهم خنجر و شافهم احد الصحابة قبل حادث الاغتيال
و قال علي كده بعد الاغتيال
فما كان من ابن عمر بن الخطاب
و اسمه عبيد الله
الا انه شال سيفه و راح صور الضرب في الاتنين دول و قتل معاهم ابنة فيروز ابو لؤلؤة آلصغيرة
يعني قتل تلاتة بدم ابوه
أخذا بشبهة و ظن
و دون محاكمة او استقصاء
تم القبض عليه و وضعه في الحبس انتظارا لانتخاب الخليفة
،،،،،،،
قلنا ان الفلوس كانت جاية زي المطر
و الناس بتتلمظ للخروج و السياحة في الدنيا
و تذوق خيرات المدن المفتوحة الجديدة
و عمر كان مقرط عليهم في الحاجات دي
،،،،
فيه هنا حاجة مهمة جداً
علي بن ابي طالب شايف نفسه اهم و انسب المرشحين للخلافة
من زمان
قبل حتي خلافة ابو بكر
و ان كان ابو بكر احتج علي الأنصار
لان الخليفة لازم يكون من قريش بحكم قرابتهم للرسول و مكانتهم عند العرب
فأكيد ان علي بن ابي طالب بالمعيار ده اقرب المرشحين للخلافة
،،،،،،
زي ما قلنا
تم التوافق ان الانتساب لقريش اهم شرط مبدئي للخليفة
و بعد كده نشوف دينه و تقواه و علمه و كفاءته للمنصب
لو بالتدين و العلم بس
يبقي عبد الرحمن بن عوف
ممكن ميكونش في الفئة الصغيرة دي،،،
لو بالشجاعة و القدرة البدنية الجيدة بس
عثمان بن عفان كان قليل الحظ بداية
لو بحفظ القرآن و الفقه لوحده
سعد بن ابي وقاص ممكن ييجي متأخر جداً
الزبير أهم نقاط قوته انه ابن عمة الرسول
و طلحة لولا انتسابه لقريش ميتميزش عن الكثير من الأنصار
،،
اكتر واحد يجمع القرابة الشديدة
و الشباب و الفقه و الشجاعة و العلم
هو علي بن ابي طالب
،،،،،،،،
بس مشكلته انه شعبيته كبيرة وسط الناس الغلابة
مش وسط الأغنياء و" الملأ" الي زهقوا من الكتمة
و عايزين يشوفوا الدنيا الي خبّٓطِت عليهم خبطة صغيرة
القصة الي أنا جايبها فوق في اول البوست
بتقول ان عبد الرحمن بن عوف
بعد ما أخد عهد عثمان و علي انه يحكم بينهم
و انه يتنازل عن نصيبه في الترشيح
حٓلِّف الاتنين أنهم يتبعوا سنة الخليفتين السابقين
ف علي قال لا ،، اعمل الي ربنا يقدرني عليه
و عثمان قال ايوه طبعا،،
ف عبد الرحمن رفع أيد عثمان و قال للناس:
We have a winner ladies and gentlemen
؟؟؟؟؟
يا سلام؟؟؟
كده؟؟؟
حكاية موضوعة و مختلقة
لتبين كراهية علي للخليفتين السابقين
و عدم نيته تكرار سنتهما ،،
مش هيعمل زي عمر و ابو بكر يعني،،
لا و ايه عثمان هو الي ناوي يقلدهم بالظبط؟؟؟؟؟
و عبد الرحمن ابن عوف من دماغه كده
بيرفع أيد واحد و يقول للتاني هارد لاك،،،
،،،،،،،
فيه حتة واسعة جداً من القصة دي مجبتهاش
بتقول ان عمرو بن العاص
راح يغشش علي ليلة الامتحان او المقابلة،،
و قاله ان عبد الرحمن هيسالك كذا و كذا
فأنت تقول الإجابة الصح كذا
كان بيغششه غلط و علي انخدع و سمع كلامه
و بكده ضاعت منه الوظيفة أأأآ،،، الخلافة...
،،،،،،،،،
الأصح عندي من الحكاية الهندي دي
ان عبد الرحمن بن عوف طاف و سأل الناس
و لقي فيه ارتياح اكبر بكتير لولاية عثمان
و قلق و توتر من استخلاف علي
محدش عايز يكرر تجربة عمر القاسية عليهم
و علي واضح انه هيمشي بنفس الأسلوب
الناس عايزة تفُك عن نفسها،،،
و قد كان لهم ما أرادوا الحقيقة
،،،،،،
حاذر مما تتمني
فقد يكون فيه ضياعك
.......
،،،،،،،،،،
نرجع لعبيد الله بن عمرالقاتل
الراجل شايف انه مغلطش
و انه ولي الدم و خد حقه
طبعا الكلام ده لو كنا في قبيلة كومو شومو
مش في مدينة الرسول وسط صحابته العدول
،،،،،،،،،
خد بالك بقي فيه ناس من الفقهاء
شغالة زي المحامين بتوع الجنايات كده
يبقي الجاني كل الناس عارفة انه القاتل و معترف
و هما يتصرفوا بتخريجة ناموسية لاسعة كده ياخد فيها براءة
،،،،
قالك ايه
ده هو "تأول" شُبهة ان الي موتهم دول تآمروا لقتل ابوه
قام قتلهم
بس كده
علي فكرة كلمة "تأول" دي يعني حكم باعتقاده او فهم حسب دماغه،،،
و لا يخرج الامر عن احتمالين
انهم فعلا كانوا مشاركين في الجريمة
يبقي عنده حق و يروح بيته
او انهم ملهمش دعوة بالموضوع
و في الحالة دي هو " تأول" و معذور و يروح بيته برده
،،،،،،،
ده فقهاء كبار قالوا الكلام ده
دوروا عليهم،،،،
عشان اسهلهالكم
اول حرف من اسم واحد فيهم: ابن تيمية
عشان بس الي بيتريقوا علي كلام مشايخ أيامنا دي
يعرفوا ان الله حليم ستار،،،
،،،،،،
طيب الامام علي كان رأيه ايه؟؟
القتل جزءا وفاقا لقتله مسلمين
و كتابي بغير ذنب جنوه.....
،،،،،
آه نسيت أقول لكم ان الي ماتوا كانوا
قائد فارسي كبير أسره المسلمين
و أسلم اسمه الهرمزان
بالاضافة لشاعر المسيحي
و ابنة فيروز" ابو لؤلؤة" الصغيرة المسلمة طبقا للروايات...
طيب و باقي الصحابة؟؟
فيهم ناس قالوا ميصحش يعني
يبقي الأب الخليفة اتقتل أمبارح
و نقتل أبنه النهاردة
دي تبقي جامدة قوي علي العيلة ،،،
!!!!!!
و فيه رأي كان سو كيوت جداً:
الحادثة دي كلها حصلت قبل تولي عثمان
و بالتالي هو مش مسئول يحكم فيها علي حد
،،،،
طبعا،،
لا أنا الي مسئول
،،،،،،،
طيب اتحلت ازاي المصيبة دي؟؟
عثمان قال ان الي ماتوا دول ملهمش وٓلِي
ناس علوج و أغراب يعني
و ملهمش قبيلة تطلب دمهم
فاعتبر نفسه هو ولي الدم بحكم كونه الخليفة و الحاكم،،
و عفا عن القاتل ،،،
و حكم بالدية تسلم لأهل المقتولين،،،
و كمان راح مطلع الدية دي من جيبه الخاص،،،
و قال لعبيد الله قوم روح.....
،،،،،،
فيه حكاية تانية خالص
بتقول ان الهرمزان كان ليه ولد
و عثمان قاله انت ولي الدم
و خد عبيد الله و اقتله
و طلع بيه وسط الناس
و هما بيشتموا عبيد الله
و بيطلبوا من الهرمزان العفو و الدية و خلاص
قام قالهم ماشي و أنا عفوت،،،
قاموا فرحوا جداً
و حملوه علي الأعناق ،،،،
واضح انها حكاية فالصو،،،،
طيب لو دم الهرمزان عفا فيه ابنه
فين دم البنت الصغيرة؟؟
،،،،،
طبعا الراجل الكتابي أساساً
دمه كده كده هٓدٓر و ملوش غير الدية
و في ذلك فتاوي عديدة
،،،،،،
عبيد الله ده يا مولانا صحابي كبير
يُروي عنه عشرات الأحاديث
راجل ثقة و عدل يعني
شفت بقي ،،،،،،
،،،،،،،
عايز تعرف حل الفزورة دي ايه
خلي المقتول من العرب
و خلي القاتل من العلوج " مسلم طبعا"
و ابقي سمعني ابن تيمية هيقول ايه،،،،
،،،،،،،
فتحنا الفواتيح أهه
تابعونا كمان و كمان
ليست هناك تعليقات:
إرسال تعليق