الجُزء الثالث
فاكرين حكاية
الأولاد الي كانوا بيلعبوا
و بيحدفوا النخل بالطوب،،
و اما شافوا عمر بن الخطاب
الخليفة القوي الصارم جاي
فطلعوا يجروا الا واحد
و قاله أنا مش خايف منك!!
الولد ده
كان عبد الله بن الزبير!!
،،،،
هو واحد من لجنة جمع القرآن
الي تم تأليفها
في عهد الخليفة عثمان
و ده ممكن يكون خلاه
حاسس بالتميز اكتر و اكتر،،
،،،،
و هو مقاتل شجاع
اذا جاءت الحرب،،
حارب في فتوحات
ليبيا تونس،
تحت قيادة ابن ابي السرح،
و في غزوة
القسطنطينية الشهيرة
الي ذكرناها بقيادة يزيد،
و في فتوحات تونس
"افريقية " AKA
ينسب اليه قدر كبير
في الفضل في الفوز،،
حكاية بتشيد
بدهاؤه و ذكاؤه
و تغيير خطة المعركة،،
و حكاية تانية بتمدح
القوة القاضية الي خلته
يقتحم جيش الاعداء
و يقتل "جريجوري "قائدهم،،
وحكاية تالت بتتغني
بالحيلة بتاعته انه عمل نفسه،
رسول و مسالم
و لما اقترب من جريجوري
ضربه بالسيف،،
المهم انه
كان نجم لامع في المعركة دي
و رفع رأس القائد جريجوري
علي خشبة عالية
رمزا لهزيمة جيشه
و قيل انه كان
من حصته في الغنيمة
ابنة جريجوري اخذها ك سَبية،،
،،،،
فيه حكاية تذكر عن علاقته
المتوترة بمعاوية:
كان ليه حتة ارض في المدينة
و معاوية ليه ارض جنبها اكبر منها،،
في يوم جاء لمعاوية جواب:
من ابن الزبير ابن الناس الكويسين
لمعاوية ابن العالم الناقصة،،
العمال بتوعك
داخلين خارجين علي ارضي،
و أنابحذرك يا راجل يا هايف!!
انهم لو مبطلوش الحركات دي
و الله لعمل فيك و أسوي!!؟؟
و اطربق الدنيا فوق راسك؟؟؟
قام معاوية قرا الجواب
و خد رأي الناس
الي طبعا قالوله
لازم تبيده من الارض طبعاً!!
و كعادة معاوية
بعت جواب بيقول فيه :
من معاوية
لابن الزبير الباشا الكبير
أنا آسف!!
علي الي عملوه الناس دول
و حقك عليا و امسحها فيا!!!
و عشان ترضي علينا
ارضي كلها باللي عليها
من مباني و عبيد
بقت من بكره بتاعتك
تعمل فيها الي تحبه!!!؟؟
و لا تحرمنا دعاءك،،
،،
ابن الزبير قرا الجواب
و قعد يعيط،،
و ركب الجمل و راح الشام
و دخل علي معاوية
و باس رأسه!!!
و اعتذر له و قاله
أنت سيد الناس و الله
و عمري ما اغلط فيك تاني!!!
،،
ممكن تكون حكاية موضوعة
او فيها زيادات
بس تفسر لنا
نفسية ابن الزبير الثائرة
الي ميرضاش حد يتميز عنه اطلاقاً!!!
،،،،،
اما في ورعه و حسن عبادته،
فكان من المستغرقين الخاشعين
في صلاتهم حتي انه
لا ينتبه لما يجري حوله
و ينفصل عن العالم كله،،،
حتي لا يشعر
بثعبان يرقد فوق ابنه!!
او صراخ زوجاته و اهل بيته!!
او بصخرة منجنيق تهبط قرب رأسه!!
و لا تعوقه حتي السيول
عن الطواف بالكعبة سباحة!!
و كان يواصل الصيام أياما كثيرة
و لا يأكل الا القليل مما يقيمه،
فكان مثال العابد الزاهد
و كان في ذلك خير دعاية له
مقابل بذخ و إسراف الامويين،،
،،،،،
،،،،،،
كل دي أسباب تخليه
خير مرشح للخلافة،
في وجود غضب شعبي
علي الاستئثار بالخيرات
و تفاضل الناس علي بعض
بمدي قربهم من الخليفة
و انعدام المساواة المفترضة بينهم،،
،،،،
اول ما مسك
بعت الولاة علي الأمصار
عين اخوه مُصعب بن الزبير
مصر و البصرة و الكوفة،،،
،،،
طيب و الشام
حصل فيها ايه؟
فاكرين اننا كنا
قلنا علي الناس الكبار
الي مع معاوية و دولته
من القرشيين و الانصار:-
الضَحاك بن قَيس الفهري
نائب معاوية،،
وإلي كان سلم الحكم ليزيد
بعد وفاة معاوية ابوه ،،
و الي حارب جنب معاوية
من أيام صفين!!
و ما بعدها من غزوات
بين الفريقين كان
شارك فيها بقوة،،
و الي شارك في قمع
ثورات ضد حكم الامويين !!!
و النعمان بن بشير الانصاري
الي كان دايماً
جنب معاوية و يزيد،،
و الي بعت قميص معاوية
من المدينة زمان،،
و الي وقف جنب يزيد
حتي لما كان ناوي
يغزو المدينة و يقهرها!!!!
و اتنين تانيين من الولاة
الجذامي و الكلابي،،
الناس دول كانوا تقريبا
رجال العرش المقربين
و لقوا انه بعد
وفاة معاوية و ابنه يزيد
و تنحي حفيده،،
مبقاش فيه اي شرعية للدولة دي!!
مش بس كده
دول بايعوا
عبد الله ابن الزبير بالخلافة
!!!!؟؟؟؟؟
ايوه ده حصل
بايعوا عدو ملكهم،
و خلفيتهم المتوفي يزيد!!
الي لسه كان مطَلع
من دمشق من كام شهر
اكبر حملة تأديبية
في تاريخ الامويين حتي وقتها
لقمع تمرد ابن الزبير و قتله!!!!
،،،،
طيب ليه؟؟
يمكن هما شايفين
انه ابن الزبير راجل كويس!!
و يمكن حاسين
انهم اذنبوا بموافقة يزيد علي افعاله ؟؟
و يمكن عاوزين
ينهوا حياتهم بموقف مشرف!!!
و يمكن بس هما ناس نفعيين!!!
و شايفين ابن الزبير
البلية ماشية معاه
فقفزوا من المركب الغارقة
و لحقوا بالفريق الفائز؟؟؟
و يمكن لقوا
الامويين منقسمين
و الدنيا هرج و مرج،،
فقرروا يروحوا
عند الرجل الي شايفين
عنده مَلكة الحكم و دهاؤه،،
و أصله القرشي الشريف
يؤهله لان يكون أميرا عليهم؟؟؟
و يمكن حسوا
ان الي ممكن يمسكوا
الحكم بعد كده من الامويين
مش هيحفظوا لهم قدرهم و مقامهم؟؟
فقرروا يبعتوا لابن الزبير
و يبايعوه و بكده يبقي
ليهم فضل و مكرمة عنده
و يزداد و يستقر قدرهم!!
و يمكن برده شافوا
انهم لازم ينتقموا من الامويين
مقابل أرواح أهاليهم
الي أزهقت في مكة و المدينة!!!؟؟؟
و اخيرا
هل كانوا طابور خامس ؟؟
او عملاء مزدوجين؟؟
داخل بيت الامويين
مع ابن الزبير نفسه
و بيقولوله اسرار البيت الأموي من جوه؟؟؟
مش يمكن ده يفسر لنا
ازاي ابن الزبير
عرف بوفاة يزيد قبل جيش يزيد نفسه؟
و يفسر برده
صبره و يقينه بالنصر
رغم غياب اي مدد قادم
و تساقط رجاله ورا بعض!!!
و يمكن يفسر برده
تنحي معاوية الأصغر
و وفاته المفاجئة!!!
لانهم بحكم مكانهم في القصر
ممكن يكونوا
أثروا علي ابن يزيد
معاوية الأصغر
و خلوه يعتزل الامر كله،،،
و بكده تكون حكاية
مقتل معاوية الأصغر ده
حقيقية و تمثل الصراع بين
اجنحة الحكم
داخل الدولة المتفككة دي!!!!
،،،،،،
دي كل الاحتمالات الحقيقة،،
أنا شخصيا
أميل للتفسير الأخير!!
و شايف انه بيفسر
انقلاب الامور الفجائي
داخل الدولة الأموية
من انتصار متوالي
و سحق لخصومها،،
لانكسار شنيع و سقوط مزري
غالبا لا يحدث
الا في وجود صراعات
داخلية تعصف بالبيت المالك،،
،،،
المهم انهم بايعوا ابن الزبير
و بعتلهم بِ يوافق
علي بقاءهم علي ولاياتهم
و بيولي الضَحاك بن قيس الفهري
ولاية الشام كله،،،
و هنا بقت
دمشق "وسط"
و حِمص "شمال "
و فلسطين "الساحل الجنوبي"
و قنسرين " حلب و الساحل الشمالي "
كلها مبايعة لابن الزبير
بحكم مبايعة ولاتهم
و ظل فقط نهر الأردن
و المنطقة الجنوبية من الشام فقط
بأيدي أنصار الدولة الأموية
و هنا بقي خلاص
مفيش كلام
ان الماتش خلص
و هي صفارة و كله يخلص،،،
بقعة صغيرة
وسط الأمواج العاتية ضدهم،،
،،،
و هنا يتغير التاريخ،،
اجتمع كبار العائلة و أنصارهم
في مكان اسمه " الجابِية"
و عقدوا مؤتمرهم
الي قرر مستقبل الخلافة
لعشرات السنين القادمة،،
و طلع واحد يخطب فيهم
و يقولهم ان ابن الزبير فاسق!!؟؟
و عاصي و خَلع خليفتين
- حاسبين معاوية الأصغر خليفة-
و لازم نختار واحد مننا
يشيل الشيلة و يقودنا،،،
و اختاروا "مروان بن الحكم"
أمير المدينة السابق
و وزير الخليفة عثمان السابق
و كبير العائلة المخضرم حالياً،،
علي ان تكون ولاية العهد من بعده
ل "خالد ابن يزيد"
الولد الصغير ابن الخليفة يزيد
و اخو الخليفة معاوية الأصغر،،
و من بعده ل
"عمرو بن سعيد بن العاص"
الامير بن الامير،،
والده هو سعيد بن العاص
الي حكينا عنه ايام عثمان بن عفان
و كان والي الكوفة لفترة،،
و كان اول المخلوعين من ولاة عثمان،،
عمرو الابن بقي
كان أمير مكة و المدينة
وقت فتنة الحسين،،
و وقت موقعة الحِرة،،
و خاض في الصراعات
مع ابن الزبير في السنين الاخيرة..
و كان من أشراف الامويين
،،،،
و بكده اتفقوا كلهم
و وحدوا صفوفهم،،،
و بقي فيه واحد بيقود
و له شرعية المبايعة،،
و تم النداء بمروان ابن الحكم
كخليفة للمسلمين،،
و كرابع الخلفاء الامويين.
و اقبل كل الحضور يبايعونه
علي السمع و الطاعة
بس هل ده كفاية؟؟
طبعا لا
هو بس اول خطوة
لازم بعدها
الجيش و الحرب و القتال،،،
و اول ناس لازم يقاتلوهم
هما الخونة،،
الي طعنوهم في الظهر
و راحوا بايعوا ابن الزبير
عدو الدولة اللدود،،،
،،،
تجمع الجيشان
جيش الضحاك و النعمان و فريقهم،
و جيش الامويين بقيادة مروان،،
و تواعدا و التقيا في موقع
اسمه مرج راهط
- مش مرج دابق خد بالك-
و هناك كانت المعركة المهولة
الي لازم تتابعونا عشان
تعرفوا حصل فيها ايه،،،
