الجزء ١٣
موسي راح يساند و يلحق طارق
المحاصر و الي مش عارف يتصرف!!
او الي مبقاش بيسمع الأوامر !!؟،
ده السبب الشائع تاريخيا
ل عبور موسي لإسبانيا !!
لو عايز تصدق الادعاءات
بتاعة عجز موسي
عن التحكم في المعارك عن بُعد
فانت حُر،،
بس ده معناه
ان موسي
مكنش قادر يعزل طارق!!!
او يبدله!!!
و معندوش سُلطة
يستدعي الجيش كله ،،،
و يُعد للحملة الجديدة
بالراحة كده و بتخطيط جيد !!
أو حتي يخاطب الخليفة
في امر الفتوحات الجديدة دي،،،
"و توجيهات سعادتك ايه"؟؟!!
،،،،
طبعا ده كلام فارغ،،
سلطة و سلطان موسي
توقف اي شئ في مكانه،،
و ترجع الجيش في لحظة
او تجمده في مكانه انتظارا
للأوامر التالية،،
لأن الامبراطورية كانت في أوج قوتها
و الظبط و الربط و النظام العسكري
في شدة الحزم ،،
الا اذا،،،
كان طارق قل عقله،،
و لعب بديله،،
و الشيطان صور له انه يستقل
و يبقي ملك نفسه بجيشه هناك!!؟؟
معقول؟؟
رأيي انه صعب جداً جداً،،
،،،
نكمل،،
بيقولك من كثرة النفائس و الذهب
الي تم سلبه و اخذه،،
اتنين من رجال الامازيغ
غنموا طَنفسة
" سجادة مذهبة"
و الجمع" طَنافس"،،
و شالوها مع بعض
و كانت تقيلة جداً
و مليانة أحجار كريمة و جواهر
و منسوجة بالذهب و الفضة،،
بس من تُقلها و بطء حركتهم،،
قرروا يسيبوها و خلاص،،
و قطعوا جزء منها و رموا الباقي!!!
و فضلت مرمية في الشارع
محدش من الجيش مهتم بيها
لكثرة الغنائم و الاسلاب!!!
قام موسي بن نصير بعت جابها
لما واحد من اهل البلد أشار عليه بكده
و قالهم اضربوا هنا و افتحوا هنا،،
ف لما فتحوا بطنها،،
سال عليهم الزبرجد
و الياقوت كالشلال!!!
،،،
و دي كانت من الحاجات الزيادة
في الاسلاب و الغنائم بتاعة الجيش!!؟؟
،،،،
طيب مدام الغنائم تفوق الخيال كده،،
ليه موسي بن نصير
إدي الفرصة من الأول
ل طارق بن زياد،،
يروح يغرف و يعبي
من كنز علي بابا ده؟؟
،،،،
تقريبا كده،
الخسارة البشرية الكبيرة
الي سبق و ان تكبدها العرب
في فتوحات أفريقية،،
و الانتكاسات المتكررة
و الهزائم القوية السابقة
علي أيدي الامازيغ ،،
و الفترة الزمنية الطويلة للفتح،،
اكتر من خمسين سنة لزمت
حتي تم الفتح و استقر السلطان،،
،،
تقريباً العُقدة دي
سابت اثرها عند موسي بن نصير
و كان يظن ان فتح اسبانيا
سيكون اكثر صعوبة،،
و هو لم يكن اطلاقاً ليبدأ
المغامرة المهولة دي أساساً،،
لولا التعاون الاستخباراتي
من داخل
البيت الحاكم الإسباني المخلوع ،
و النبلاء المحليين،
الي سهلوا له
اكتر من ثلاثة أرباع المهمة:
الدخول السري ،
و الإمداد و التموين،،
و الطرق و الأدلة .،،
و التكتيك الحربي المَحلي....
و الحلفاء الداخليين ،،،،،
و عنصر المفاجأة،،،،،.،،،
،،
بس برده
ظل تقديره لقوة الفرنجة
-الي هم القوط الغربيين
حكام اسبانيا وقتها-
كبير و مهول و ضخم،،
و اعتقاده بشدة في ظهور
ارتدادت و هجوم متكرر
بعد الفوز الاول،،
ممكن جداً يبيد الجيوش العربية!!!
خلاه في النهاية
يتجنب المهمة دي خالص،،
و يبعت فيها كوماندوز و فدائيين
من الامازيغ بالأساس و بعض العرب
و يقودهم واحد من مواليه،،
- حتي مش من أولاد موسي -
هو طارق بن زياد!!
الي لم يكن مقصودا
انه يتحول ل بطل مشهور
و معروف للدرجة دي!!
كان كل المطلوب منه
انه يكون فأر تجارب
في حملة الاستكشاف
للارض الغريبة دي،!!!
،،،
لكنه تجاوز المطلوب منه بكثير
و انطلق كالسهم الناري
فوق و تحت يمين و شمال
محدش عارف يوقفه!!
في شهور قليلة!!
،،،
و هنا بقي أدرك موسي
بحكمته و ذكائه الخارق
ان الموضوع خلص
و الماتش انتهي،،
و فاضل النزول لاستلام الكأس!!
طلع ماتش النهائي
في الأندلس،
اسهل بكتير من التصفيات
في افريقية،!!؟؟؟
،،،،
طيب ليه التفسير ده راجح عندي؟
الكتب زي ما قلنا
لم تفسر سبب إعطاء القيادة ل طارق؟؟
رغم شجاعة موسي بن نصير
و قيادته للكثير من المعارك
القليلة الأهمية بالمقارنة ب فتح اسبانيا!!؟؟
و بعد كده برده
لم يفسروا سبب سؤ التواصل
بين "طارق " و سيده "موسي"!!؟؟
الي خلي طارق
مينزلش يقابل سيده
عند مجيئه اسبانيا
بعد عبوره البحر!!
و مخلاش موسي يمشي وراء
خط سير طارق لتجميع قوي الجيش!!
موسي نزل اسبانيا
و راح طالع في الشمال لوحده
و اقتنص إشبيلية
و مدن تانية في سِكتها،،
و بدأ حملته الخاصة
للقنص و الغنائم
و تخليد مجده الشخصي الحربي!!
،،،
بينما هو لو كان علي سبيل المَدَد
ل طارق الي مزنوق مع الاعداء
زي بعض الروايات ما بتقول..
يبقي مفروض
جيش المَدد ده مينامش
الا اما يلحق طارق
الي تكاثرت عليه الاعداء!!!!
مش كده برده؟؟
،،،،
و في النهاية
"موسي " وبخ "طارق" و ضربه
و قيل انه جَلَده و ضربه علي وشه!!!
قدام الناس كده!!؟؟؟
طبيعي جداً و حقه
العبد بتاعه و هو حر فيه،،
هو صحيح نُص عبد و نص حُر ،،
بس تظل الولاية عليه من حق موسي،،
زي الولاية بتاعة الراجل علي زوجته،،
او الاب علي بنته،،
الضرب فيها مقبول و مفهوم،،
بالنسبة لزمان حكايتنا!!
،،،
و محدش قال سبب التهزئ ده ايه؟؟
بس قالوا انهم اتصالحوا في الاخر
و رجعوا حبايب و أصدقاء!!
و كملوا الفتوحات مع بعض
لسنتين قادمتين،،،،
بما وضحناه من إكمال للنواقص
من الصورة " الپازل"
يتبين لكم ما حدث فعلا،،،
،،،
و كلامي مش اختراع علي فكرة
هو فقط الغير مشهور في التاريخ،،
بس بسهولة هـ تقدر تفهمه و تعرفه
لو قرأت مصادر متعددة
و تقمصت شخصية الأبطال ،،
،،
لسه شايف واحد ورا مش مقتنع
و بيقول ده تهريج و كلام فارغ
و انتقاص من أبطالنا العظام!!
بغض النظر
عن الرؤية البسيطة للناس التاريخيين
علي انهم أنصاف آلهة لو معانا!!
و شياطين تقطر دماً لو ضدنا!!
و الي بحكم تعليمنا و ثقافتنا كلها
مسيطرة علي رؤيتنا للحياة
و بتعوق تفكيرنا و نُضْجنا النفسي،،
،،،،
ف الي عايز يعرف
اكتر من القشور و البروباجاندا
يكمل معانا و هو هيتأكد اكتر،،
و الي مبسوط زي ما هو،،
فلا يكلف الله نفساً،،
،،،
بص يا سيدي،،
دخل موسي و معه طارق بن زياد
و أفراد الجيشين بعد اكتمالهم،،
و قزقزوا كده بالراحة
مدن اسبانيا واحدة ورا التانية،،
،،
و استطاع موسي الوصول بجيشه
الي حدود فرنسا الجنوبية حالياً!!
،،
واضح انه قضي فترة طويلة
مش بيبعت للخليفة الوليد
الغنائم المعتادة !!
ده غير انه
كان خرج من تلقاء نفسه
و طلع علي اسبانيا ،،
و بقي عنده فلوس
ملهاش أول من آخر،،
و فترة خروجه عن ولايته الأصلية
طالت جداً
سنتين دلوقتي !!!
تقريباً الوليد افتكر
ان موسي ممكن يعمل
زي ما عمل ابن الاشعث،،
و يحاول يستقل بجيشه
و ينتفض علي الدولة،،
قام بعت له ييجي حالا،،
و بدأ في الدعاء عليه في المساجد،،
باعتباره خارج علي الطاعة!!؟؟
ياللداهية!!
هنا أدرك موسي سؤ المنقلب،،
و انه زودها شويتين،،
ف حاول يصلح خطؤه بسرعة
و يثبت ولاؤه و يبسط قلب الخليفة،
بعث بموكب و قافلة ضخمة،
فيها الفخم و الغالي
من الجواهر و الذهب
و السبايا و العبيد
من ابناء و بنات الأعيان و النبلاء الإسبان !!
و دخل الموكب ده
الي دمشق وسط الفرح و التهليل،،
و هدأ قلب الوليد
من ناحية موسي قليلاً،،
و لكن ،،
كان فيه واحد في الوفد ده
اسمه مُغيث الرومي،،
و ده كان من اهل "غسان"،
او من عرب روما،،
او من سَبي الحملات
علي القسطنطينية ،،،
المهم انه
شاب جميل و ذكي و شجاع
و اتربي في القصر الملكي
بجوار الامير الوليد!!
و دي كانت عادة عند الملوك
انهم يختاروا لاولادهم
رفاق أذكياء و أوفياء
يشجعوهم و يلعبوا معاهم،،
المهم ان مُغيث ده
كان طالع الحملة دي من أولها،،
و الظاهر انه لما رجع دمشق،
أوغر صدر الوليد،،
و قاله علي أفعال موسي
من استئثار بالفئ
و غِني فاحش
و سلطة قاهرة،،
،،،
و كان طبيعي يعمل كده،
لانه من ناحية كان
عَين و جاسوس
و من المقربين للخليفة،،
و من ناحية تانية
كان هو الوحيد
الي قِدرفي الحروب دي
يأسِر ملك اسباني!!!
لعله الملك الي تولي الحكم
من بعد مقتل رودريك،،
و دي غنيمة ليس بعدها غنيمة،،
و كان موسي بن نصير
اخد الملك ده منه غصبا،،
و ضمه لغنائمه الخاصة
و تذكارات فوزه العديدة،،،
و أغلظ له في القول،،
،،،
طيب ليه موسي
بعت الراجل الي
متخانق معاه ده؟؟
غالباً لان الوليد
لن يصدق اي واحد تاني،،
و يمكن يكون طلبه بالاسم ،،
،،،
مُغيث الرومي
ضرب في موسي
زُمبة كبيرة عند الخليفة،،
الي فهم الحكاية
و ان الي موسي بعته ده
ولا حاجة قدام النفائس التانية،،
و انتم فاكرين تاريخ موسي
في التهليب و التسريب،،
،،،،
مُغيث الرومي
رجع ل موسي بن نصير
و هو معاه رسالة واضحة،،
،،،
قبل ما نكمل حكاية
مُغيث الرومي،،
نقول لكم حصل ايه
مع اولاد الملك غيطشة
- ڤيتيزا witiza-
و النبلاء الي تحالفوا مع العرب
من اجل القضاء علي رودريك،،
و كانوا يظنون انهم يستطيعون
مكافأة الفاتحين العرب
-المرتزقة من وجهة نظرهم-
علي حُسن بلائهم،،
و يقولولهم مع السلامة كده
كَتر الف خيركم يا رجالة،،
أبقوا تعالوا صَيِفوا عندنا!!!
و سلموا لنا علي الأولاد و الله!!!
طبعاً ده بيبقي خيال و عالم تاني،،
عايش فيه أفراد البيت الملكي المهزوم
الي فاكرين ان عراقة و شرعية المُلك
الي ورثوها من أجدادهم ،،
كفاية للمُلك و التربع علي العرش،،
و بيكونوا نسيوا
ان المُلك في الأساس،،
هو القوة و السيطرة
و القدرة علي هزيمة الاعداء
بذراعك قبل اي شئ،،
فإن تخيلت
ان فيه ناس ممكن
يقاتلوا بالنيابة عنك،،
و تقعد انت زي حيلتها
في قصرك الفخيم،،
فأنت واهم تائه الحقيقة،،
و حكايتهم دي اتكررت كتير
علي مر التاريخ و نهاية الدول،،
،،،
لقوا نفسهم في الشارع
بِ يروحوا يكلموا طارق،،
قالهم مش بإيدي و الله
أديكم العرش تاني،،
قالوله مين طيب؟
قالهم روحوا ل موسي،،
-نظام بيطَرَّقهُم يعني-
،
راحوا ل موسي
قالهم و الله مش انا
روحوا للوليد الخليفة،،
،
راحوا للوليد و قعدوا يعيطوا،،
قام طبطب عليهم
و بعت ل موسي
انه يديهم كام عزبة و قرية كده
يسترزقوا منها!!!؟؟
و دي كانت نهاية حلمهم ب المُلك
الي انقلب ل كابوس،،،
تابعونا،،،
ليست هناك تعليقات:
إرسال تعليق