الجزء الرابع
وقفنا عند توقف الزحف بتاع جيش قتيبة
و تفرغه لتأمين المناطق المفتوحة،،
كان لازم يتفرغ
لإخماد الثورات و الانتفاضات
-في المساحات الشاسعة دي-
ضد الامبراطورية
بقسوة و عنف،،
،،،
بعد إحدي المعارك
في أوزبكستان
و ثورة ضخمة ضده،،
أمسك بالأسري من الثوار
و قتلهم مقتلة مهولة،،
حتي قيل انه َنصَب خشبات
واحدة جنب التانية مترصصين!!!
زي التلاميذ زمان
أيام الاستعراضات الجماهيرية في الإستاد،
و صُلب عشرات الآلاف من المهزومين!!!
علي مساحة تفوق ٢٠ كيلومتر مربع!!!؟؟؟؟
يعني ٥٠٠٠ فدان!!!؟؟؟؟
يعني مساحة مدينة العبور كلها
لو شلنا منها المباني!!!؟؟؟
يعني تقريبا
لو صح الكلام ده،،
يبقي أنهي علي الوجود البشري
في المنطقة دي!!!؟،،
أكيد طبعاً
فيها مبالغات ضخمة
كعادة المصادر التاريخية الاسلامية
في الأرقام و الأحداث زي ما وضحنا،،
،،،
فاكرين حكاية موقعة الحرة
و الألف سِت الي خلفوا
من الحرام و الاغتصاب بعدها،،
و الي اثبتنا منطقيا
انها خرافة لا تصمد للمنطق،،
،،،
حكاية زي زرع الارض
بالجثث المصلوبة دي
تقاربها في المبالغة،،
،،،،
اعتقد ان المساحة لا تتجاوز
٥٠ فدان بس!!!؟؟
،،،،
قتيبة كان قائد أسطوري،
عمل كل الحاجات دي
في ييجي عشر سنين!!
و قدر يقتنص منطقة وسط آسيا
من ايران حتي الصين!!!
و يثبت فيها حكم الامبراطورية
بقوة و بطش
و شجاعة و حصافة،،
كان يتصف بالصبر و الهدؤ
و التواضع و الجلد
و الحزم و التأني
و الروية و الحكمة
و تقريباً لم ينهزم
في اي معركة كبيرة،،
الي عمله قتيبة ده
هو الي كان ممكن
ناس زي
شبيب و الفُجاءة و ابن الحرة
يعملوه و يوصلوله لو كانوا كملوا
مع الامبراطورية مش ضدها!!!
،،،
كان راجل شديد الذكاء
عارف ان المعارك و الحروب
انتصارات مؤقتة،،
إنما كسب القلوب
هو الأهم
و عشان كده،،
كان بِيجيب في جيشه
فقهاء و رجال دين،،
و يبني مساجد جميلة
و يدي الناس فلوس
عشان يدخلوها!!!
و بكده يِحَبب الناس المحليين
في الاسلام و يضمن ولاءهم،،،
،،،
ممكن بسهولة
نضعه في صف
القادة العظام في التاريخ
نبوخذ نصر" بُختنصر"،،
سارجون الأكادي،،،
رمسيس الثاني،،،
الإسكندر،،،
حَنابَعل" هانيبال"،،،
قيصر،،،،
كانوا رجال حروب
و أطباء قلوب في نفس الوقت،،
،،،
كعادة النجوم اللامعة
لازم تحترق بسرعة و بشدة
و تنطفئ فجأة،،،
،،،
مات الحجاج!!
و هنا انقسم ظهر قتيبة،،
فهذا الرجل هو وَلِيُه
و سبب وجوده في مكانه ده
برغم أصله الوضيع،،
بس الخليفة الوليد
قاله متقلقش
و سر علي بركة الله
و انا واثق فيك،،،
-و علي فكرة
انا بأفكر أورث الخلافة
لابني من بعدي
و عايز رأيك!!؟؟
-هي دي عايزة كلام؟؟
السمع و الطاعة
لمولانا أمير المؤمنين،،
و لابن مولانا أمير المؤمنين ،،،
،،،
للأسف ،،
الوليد مات بعدها بشهور،
و لم يكن موضوع التوريث لابنه
قد تم بصورة نهائية،،
و بكده تولي بعده
أخوه سليمان بن عبد الملك،،
الي طبعاً كان
ناقم علي رجال أخوه الوليد
الي وافقوا علي خلعه من ولاية العهد،،
و أولهم طبعاً
قتيبة بن مسلم،،
قتيبة لما لقي
ان الحكاية باظت كده
و الوليد كمان مات،،
عرف ان مصيره اتقرر و انتهي
و انه في احسن الأحوال،،
هيترمي في السجن،،
لحد ما يعفن
و يطلعله شعر في نِني عينيه،،
كعادة الحكام الجدد
مع رجال الحكام القدامي،،
،،،
هنا بقي
قرر يلعب لعبة خطيرة جداً
و يمكن لو كانت كسبت
كان تاريخ الارض اتغير،،،
طلع علي جيشه
الي بقي له معاه
ييجي عشر سنين،،
شافوا المُر و الويل
و كانوا للموت أقرب من الحياة
في عدة مواقف،،
و قدر يقودهم للنصر
في كل المواقف دي،،
و قدر يخليهم كلهم مليونيرات
و معاهم فلوس تكفي كل واحد
و قبيلته كلها لسنين طويلة،،،
و أعلن أمامهم
ان سليمان بن عبد الملك
قد تولي الخلافة
و اول أوامره انه
عايز يحبسه و يعزله!!؟؟
،،،
- يرضيكم الظلم ده يا رجالة؟
- ميرضيناش يا ريس،،
- يرضي ربنا الكلام ده يا وحوش؟
- أبداً يا ريس،،
-مش انتم شاهدين عليا و علي شغلي؟
- شغل ميت فُل و برنس يا ريس،
- مش شفتم معايا المجد و العز و الهنا كله؟
- رجالتك يا ريس،،
- طيب انا يا رجالة خلعت سليمان ده
و طالب منكم تقفوا جنبي!!!
- ،،،،،،،،،
" وقت الجد متلاقيش حد"
كان مفروض
يروح البنك الأهلي
و يقدم مشروعه هناك،،
بدل رجالته
الي وقفوا يبصوا علي السحاب
بعد الخطبة البليغة بتاعته،،،
،،،
طبعاً اتغاظ جداً
و اتنرفز بجنون
و قعد يشتمهم نفر نفر:
انت يا مِسعدة
مش أنقذتك
يوم ما كان الأتراك
ناويين يطبخوا
راسك بالخل و التوم ؟
انت يا حنظلة
مش اديتك تأكل بدالي
لما كنت عيان و عندك حُمي
لما كنا محاصرين في نواحي " الشاش" ؟
انت يا صخر
مش رحت خلصتك من الأسر
لما اهل سمرقند ثاروا عليك و حبسوك؟
انت يا كُليب
مش كنت طالع معانا في الاول
و انت سالف حق الشبشب الي كنت لابسه،،
و دلوقتي بقت فلوسك بانية صف عمارات
في حوش قبيلتكم؟؟
كلكم نسيتم و لا ايه
انا الي عملتكم يا كلاب،،
يا كلاب،،،
،،،،
طبعاً الموضوع كده كِبِر
هو صحيح عمل كل الحاجات دي!!
بس ده فِسل حقير من أحط العرب
ازاي يتجرأ و يقول كده؟؟
خرج عليه ناس من تميم
و حاصروه و ضربوه
و قتلوه مع أولاده
و الجيش واقف بِ يتفرج عليهم!!!!؟؟؟؟؟
،،،،،
و دي كانت النهاية الحزينة
ل واحد من اكبر القادة المسلمين
المظلومين في حياته
و بعد مماته،،،
لو كان في روما
كان تولي الحكم بفركة صباع منه،،
هو قيصر عمل ايه يعني اكتر منه ؟؟؟
و الجماهير وقتها
استقبلته بالتهليل
و لبسوه غصن الزيتون
و خلوه إمبراطور روما،،
و اقدر أقولكم
ان حجم انتصارات و فتوحات قيصر
مش اكتر من فتوحات قتيبة،،
إن لم تَقِل كمان،،
،،،
بس الناس غير الناس
و الطباع غير الطباع،،
و دعوة الجاهلية
و العنصرية القبلية
في القلوب لم تبرحها،،
،،،،
لو مكنتوش لسه ماخدتوش بالكم
نحب نفكركم،،
ان قتيبة يعتبر "شرعاً":
خارج علي الخليفة،،
و مفارق للجماعة،،
و محارب يسعي في الارض فساداً،،
و ميت و ليس في عنقه بيعة،،،
يعني من الكفار و أهل النار
بالسُدُس
مفيش فيها مجال للنقاش و الهروب
و التلاعب بالألفاظ او النوايا،،
و دي مشكلة أحكام الفقه المُطلَقة
انها بتبقي كتير جداً غير منطقية
و ليس لها محل من الإعراب!!!
،،،،
طبعا قتيبة الفارس المغوار
الكريم الجواد،،
كان له الكثير من المحبين
و طوابير من الشاكرين
و أعداد لا تحصي من الناس
مقدرين لعظيم أفعاله ،،
دول معبروش رأي "الشرع" فيه
و لم يأبهوا ب حكم كُفر الرجل
و سؤ خاتمته و عمله
مش بس كده
قال فيه " جرير" الشاعر الكبير :
ندمتم على قتل الأغَر ابن مسلمٍِ
، وأنتم إذا لاقَيتم الله أندَمِ
لقد كنتم من غٓزوِهِ في غنيمةٍِ
،وأنتم لمن لاقَيتم اليوم مَغنَمِ
على أنه أفْضى إلى حُورِ جنةٍ
، وتُطبِق بالبلوى عليكم جَهَنم ِ
"
بيتوعد قتلة قتيبة بالهلاك
و بيتحسر علي قتل البطل الكبير
الي من بعده،،
بقي الجيش العربي
مغنم لاعداءه،،
بعد ما كان هو الفائز و الغانم
تحت قيادة الفارس الكبير،،
و بيقول بوضوح
ان مصير قتيبة الجنة
و مصير القتلة جهنم!!!
،،،
من زمان جداً،،
الأبطال الشعبيين
لا سلطان لرجال الدين عليهم،،
و حب الشعب
ينفي عنهم كل نقيصة و خطأ!!
،،،،
رحم الله قتيبة بن مسلم الباهِلي
إسكندر عصره
و قيصر زمانه،،،
تابعونا،،،
ليست هناك تعليقات:
إرسال تعليق