الجزء ١٢
فتح الأندلس باختصار،،
كان فيه قائد قوي
اسمه لذريق " رودريك"
من "القوط"
-و دول قبيلة ألمانية حكمت أوربا
في العصور الوسيطة-
القائد العسكري ده
استولي علي الحكم في اسبانيا،،
لضعف العائلة المالكة
و تحلل قوي الملكية الموجودة وقتها،،
و في نفس الوقت
كانت العائلة دي
-الي قُتِلَ أبوهم الملك
في انقلاب سابق-
مازالت تتصارع لاستعادة المُلك،،
،،،
حاكم "سِبتة" الإسباني
و دي مدينة علي الساحل المغربي،،
كان له علاقة جيدة مع
طارق بن زياد!!!
و بالمراسلات بينهم
تم الاتفاق علي ان
يساعد طارق و جيشه،،
أعوان العائلة المالكة المخلوعة
علي استرداد عرشهم السليب،،
و طارق و رجالته ياخدوا
الي فيه النصيب
من هدايا و جوائز!!
نقل طارق العرض ده
الي موسي بن نصير،،
الي استشار الخليفة الوليد
و حبب اليه الأمر
بطريقته الماهرة،،
و فعلاً
عبرت كتائب من الامازيغ
و من القبائل ذوي البشرة السمراء؟؟
الي اسبانيا بمساعدة
حاكم سِبتة و أنصاره ،،
الي ارشدوا الكتائب دي
ل الطرق المناسبة للتسلل
داخل البلاد بسهولة!!
بعد ما نقلوهم ب سفن إسبانية ،،
فكانوا خير مُعين لل أمازيغ
علي الدخول في قلب البلاد
بدون مقاومة تقريباً،،
بعد فوات الأوان
عرف رودريك
الملك الحالي الحقيقي،،
-و مغتصب العرش
بالنسبة للعائلة المالكة المخلوعة-
بالجيش الي جاء يحاربه
من خلف البحار ده،،
فرجع مسرعاً
من حملة كان بيعملها في الشمال
و جمع قواته لمواجهة الخطر ده،،،
،،،،
التقي الجيشان في
معركة تاريخية
معركة وادي لكة،،
جيش رودريك
كان كبير و كانت تقدره
المصادر التاريخية العربية
ب مئة ألف جندي،!!!
و كان مع طارق
حوالي عشرين الف جندي!!؟؟؟
طبعاً دي أعداد مهولة،،
و غير منطقية،،
روما نفسها في عِزها،،
كانت الفرق العسكرية الضخمة فيها
لا تتجاوز العشرة آلاف جندي،،
الجندي المقاتل المحترف
الي يدخل في حساب معركة زي دي،،،
نادر و قليل الوجود
في الاصقاع البعيدة جداً دي،،،
تقريباً كان الصح
عُشر الأرقام دي،،
عشرة آلاف ضد أربعة آلاف،،
دي معركة منطقية و معقولة،،
هو لما موسي بن نصير
يبعت طارق في حرب بعيدة
علي رأس خمستاشر -عشرين الف!!!
يبقي كان جيشه الأساسي
قد أيه يعني؟؟
ميت الف هو كمان؟؟
دول ميكفيهمش اكل و شرب
لو حتي أكلوا البني آدمين
في القري الي ماشيين جنبها،،
و مش هيكفيهم غنائم
الا انهم يحولوا التراب لفلوس،،
،،
ميت الف جندي
إضربهم في الف درهم،،
متوسط غنائم بحد أدني
للمحارب من دول في فتوحات زي دي،،
يعني قربنا من مليار درهم!!!؟؟؟
دي ارقام ملهاش وجود علي الارض،،
و ده النقد الواقعي
للتخاريف العددية
الي تملأ كتب التراث،،
،،،،،
المهم انهم أتقابلوا
و دارت موقعة طاحنة،،
و انتهت طبعاًً بمصرع رودريك
و قطع رأسه و إرسالها ل موسي!!!
،،
و كنتيجة لهزيمته ،،
ظهرت أغنية
إسبانية شعبية حزينة
تتحدث عن رودريك الملك المهزوم ،،
الي ضاع مُلكه و انتهي،،
و أصبح أثراً بعد عين،،،
،،،
نفس الحزن و الندم
الي انتاب بعدها ب ٧٠٠ عام،،
آخر ملوك غرناطة
بعد ضياع المملكة للأبد،،،
،،،،،،،
،،،،،
فيه حكاية مشهورة عندنا
شهرة الشمس و القمر،،
و هي :
(العدو أمامكم
و البحر وراءكم
فأين المفر؟؟)
بعد ما طارق حرق المراكب
عشان الجيش بتاعه
محدش يفكر يهرب منهم!!!!؟؟؟
،،
و هي مثال قوي
علي شهرة الحكايات الزائفة،،
أولا:
مكنش فيه لازمة لحرق المراكب،
الجيش ده محترف و شديد
و الهروب لم يكن ابداً طبعهم!!
ثانياً
المراكب مكنتش بتاعته أصلا
دي بتاعة الإسبان حلفاؤه!!
ثالثاً
هو ليه يحرق المراكب
و هو اكيد هـ يحتاجها
بعد الفوز للتواصل و الإمداد
مع قائده موسي بن نصير؟
رابعاً
الخُطبة الكاملة طويلة عريضة
و مليانة سجع و بلاغة ضخمة!!!
اكيد لم يتميز بها
الامازيغي الشاب
الحديث عهد بالعربية!!
شوف الباكستاني الي بقاله
عشرين سنة في الخليج
و بيقرأ و يكتب عربي،،
تلاقيه يادوب يتكلم العربي
باللهجة المحلية و بالزق،،
طارق بقي
الي لا يقرأ او يكتب العربية
بقي خطيب مفوه كده؟؟؟
،،،،
بقيت نقطة مهمة،،
فيه ناس متضايقة
لأن الخطبة مليانة وصف
للخيرات الي مستنية المحاربين،،،
حَريم مُزَز
شُقر الذهب
و بياض اللبن،،
و ارض خصبة شاسعة،،
و فلوس اكتر من النجوم !!!
،،،،،
فيه ناس
شايفين انه ميصحش
ان ال" مجاهدين"
يحَمسهم طارق و يشجعهم
ب حوافز " مادية" و " دنيوية" كده؟؟
لان القضية كانت نُصرة الدين
و رفع الظلم عن المقهورين في الأرض!!؟؟؟
،،،
و نحب نقولهم و نقولكم،
ان الامبراطوريتين
البريطانية و الفرنسية
في القرن الثامن عشر
و التاسع عشر،،
كانتا تعتبران نفسيهما
رسلاً متحضرة،،
لتخليص الهمج و البرابرة!!
في أنحاء المعمورة
المسكونة ب شعوب العالم المتخلفة!!؟
و هدف رسالتهم
كان نقل البربرة دول
لنور الحضارة الحديثة الباهر؟؟؟!!
و وضعهم علي
طريق الكرامة البشرية!!؟
و التخلص من رِبقة الظلم
و بداية تشربهم
لمُثل الحرية و الديمقراطية!!!؟؟؟
و كانوا بيسموه white man's burden
عِبء الرجل الأبيض !!
دلالة علي مقدار تضحيتهم
من أجل خير البشرية!!
و في نفس الوقت
لم يتعارض ذلك اطلاقاً،،
مع جني خيرات المستعمرات
و الاستفادة من أموالها المكنوسة
لخير التاج البريطاني
و رفعة الجمهورية الفرنسية!!!!
،،
مفيش مُحتَل أو امبراطورية
معندهاش سبب رفيع مُعلن
و هدف سامِ ترفعه!!
ل تقنع نفسها و شعوبها بيه،،
ك وسيلة ل تبرير
الخسائر البشرية الكبيرة
الناجمة عن تمدد و انتظام الامبراطورية!!
،،
و للغرابة فعلاً
ف الهدف السامي ده
الي بيتحقق حاجات منه كويسة فعلاً،،
كثيراً ما يختلط ب
العَفَن الامبراطوري،،
"المصاحب للحروب و القتل
و السلب و النهب و الظلم،،"
اختلاط اللحم بالدهن،،
فلا تستطيع تمييز هذا من ذاك،،
مش عيب اطلاقاً
بس المهم نفهم و نتفهم،،
،،،،
،،،،
نرجع لأرض المعركة،،
بييجي دور التآمر!!؟؟
و ازاي ان جيش رودريك
تفكك في المعركة!!
لما حلفاؤه سابوه و انسحبوا
تنفيذا لاتفاقهم مع العرب!!؟؟
" كل حلفاءك خانوك يا رودريك"
دي مصادر العرب
الي بتقول كده،،
،،،،
مصادر الغرب
بتقول ان يهود اسبانيا و فرنسا برده
كان ليهم دور في الصفقات زي!!!
،،
ابحث عن اليهود في اي وقت
و لبسهم المصيبة!!
،،،
المهم انه كان فيه غدر بالملك،،
الي كتير من الإسبان
كانوا كارهينه عَمَي،،
لدرجة الرضا بالوقوع
تحت رحمة الفاتحين الجدد المجهولين،،،
عن البقاء تحت حكمه و سيطرته،،
،،،
ده الي بيحصل دايماً
في أي مملكة متفسخة و متحللة،،
قبضة الملك المقززة،،
و سلطانه الخانق،،
و تكاثر الأطماع ،،،
و الإحساس ان المركب غرقانة،،
بتخلي الفئران تقفز بدري
لتنجو بحياتها مع المركب الجديد،،،
،،،
كنا شرحنا
في الفتح العثماني ل مصر،،
ازاي حصلت خيانة
في جيش قنصوه الغوري،،
في ظروف مشابهة و مقاربة،،
،،،،
بعد هزيمة رودريك،،
انهار جيشه،،
و لم يبق في البلاد كلها
أي قوة عسكرية منظمة،،
تقدر علي هزيمة المسلمين،،،
و انسدل حكم و نفوذ جيش طارق
علي اسبانيا بسرعة شديدة،،
و كانت مدن كثيرة تستسلم له،،
و مدن أقل تقاوم مقاومة ضعيفة،،،
و تم فتح قرطبة و قرطاجنة جنوبا
و طليطلة في الوسط
و برشلونة في الشمال،،
في غضون شهور،،،
،،،،
هنا بقي بتظهر نقطة غامضة شوية
و غالبا متعرفش حضرتك
حاجة عنها خالص،،
ايه الي خلي موسي بن نصير
يجري و يروح ورا طارق بن زياد،،
لما بدأت الأخبار
في المجئ من الجبهة،
بإن الموضوع ماشي
زي الزبدة السايحة،،
سهل و جميل
و طري و طعمه يهبِل،،
،،
في البداية خالص
كان موسي أقنع الخليفة
بالمغامرة الأندلسية دي،،
و أرسل فرقة كوماندوز صغيرة
-قبل إرسال جيش طارق بن زياد-
من باب الاستطلاع،،
و لم يذهب معهم!!!،،،
طبعا مفهوم،،
دي مهمة انتحارية تقريباً،،
و القائد العسكري
مقامه محفوظ،،
،،،،
بعد كده
بعت طارق و جيشه،،
و برده مراحش معاهم!!!؟؟؟؟
برده مفهوم،،
المعركة حامية الوطيس
و طارق قدها و قدود،،
و هو مولي وفي و أمين،،،
،،،
بعدها
طارق بعت له طالب المدد،،
قبل معركة "لكة" الكبيرة،،
قام بعت جيش محترم
و برده مراحش معاهم!!!؟؟؟؟؟
برده مفهوم،،
هو والي أفريقية
و مش معقول يعني
يسيب مشاغل الولاية المهولة
و هموم الناس و طلباتهم،،
دي أهم حاجة يعملها طبعا،،
و بعدين لسه هيروح في
فتوحات بعيدة،،
و أراضي شاسعة،،
و يسيب الأمانة و الولاية
الي وثق فيه عشانها
الخليفة الوليد،،
و بعدين يا أخي
ما هو "طارق "شغال
زي المانجة بسم الله ما شاء الله،،
قَطْر و محدش بيوقفه،،
،،،،
واضح يعني
ان وجود "موسي" كوالي
مهم جداً في أفريقية
و كان لسه فيها
أعداء برده ممكن يهاجموه،،
و طارق علي الجبهة البعيدة
قد المسئولية في الأندلس ،،
مش كده و لا ايه؟؟
،،،،
طبعاً هنا المؤرخين بيغطرشوا
علي السبب الواضح جداً
الي خلي موسي يتنفض،،
و يسلم الولاية لابنه مروان،،
و يطلع علي
رأس جيش اكبر من جيش طارق،،
و يعبر المضيق الشهير،،
و يجري علي الأندلس ،،
و يسيب الشعب و الرعية
في ولايته الرئيسية
افريقية ،،
،،،،
السبب واضح جداً،،
الغنائم و السبايا!!
"افريقية "كان فتحها حاجة،،
و فتح اسبانيا و ما تم نزحه منها
حاجة تانية خالص يا مان !!
،،،،
من كثرة الفلوس و الذهب و المرجان،،
بعت موسي للخليفة يقوله
"" يا أمير المؤمنين
انها ليست كالفتوح،،
و لكنه الحَشْر""
و تداول الناس الأساطير
حول ما لاقاه موسي من نفائس
لم يسبق لجيوش العرب رؤيتها،،
شجر مليان ذهب،،
بير مليان زمرد،،
قصر حوائطه و أسواره
من الذهب و الفضة،،
طبعا كالعادة
لا تثق الا بالقليل من الفَشْر ده،،
تحس انك
في روايات الف ليلة و ليلة
و العفريت جاب لك
كل الفلوس الي في الدنيا،،،،
،،،،،
الي بيحاولوا يتجملوا
بيقولوا ان طارق هو الي بعت
ل موسي يساعده'!!؟؟
طب ما احنا سؤالنا واضح،
اشمعني المرة دي راح شخصياً؟؟
مع ان الصعب فات و عدي،،
،،
ناس تانية
بييجي يِكَحلوها يِعموها،،
بًيقولك ان طارق
مكنش بيسمع كلام سيده و مولاه،،
و شَرَخ بالجيش بتاعه زي السهم،،
و موسي بحكمته
شاف ان طارق كده
ممكن يهاجمه العدو من الخلف
و يقضي عليه،،
قام راح يحل الموضوع ده!!!
يعني طارق مجنون و متهور
و يمكن كمان متمرد!!؟؟
و موسي اخد باله دلوقتي
بعد السنين دي كلها
من خدمة طارق ليه،،
من الصربعة
الي في دماغ طارق،،
و مقدرش يلمه بالأوامر العادية
او يعزله و يعين واحد تاني من الجيش،،
قام خاطر بالإمارة
و سابها و اخد كل جيشه الباقي
و راح جري يصلح كوارث طارق!!!؟؟؟
،،،
همممم،،
ده كلام محتاج تفكير
و نقد منطقي،،
،،،
تابعونا،،
ليست هناك تعليقات:
إرسال تعليق