الامام علي بن الي طالب
الخليفة ابو جعفر المنصور.
ثاني الخلفاء العباسيين،،
و الجد الاكبر لكل من اتي بعده منهم حتي نهاية دولتهم،،
المؤسس الحقيقي للدولة،،
باني مدينة بغداد درة الحضارة الاسلامية ،،
حكم اكثر من ٢٠ سنة أسست لمجد من تبعه من مشاهير الخلفاء ،،
نسمع حكايته ،،،،
،،،،،،،
هو مواليد ٩٠ من الهجرة
يعني لما كان شاب مراهق كان فات تقريبا نص قرن علي وفاة الخليفة علي،،
و حوالي ٩٠ سنة مرت علي وفاة الرسول ،،،
يعني كانت اخبار مجد أسرته الهاشمية قد انقضت من زمان و سمع عنها بس من ابوه و جده..
مين دول؟؟
جده علي بن عبد الله بن عباس
ايوه ، ابن الصحابي الي هو اكبر مصادر رواية الأحاديث و الي بتسمع اسمه ليل نهار في اي خطبة او نقاش ديني، و الي كان من أركان دولة الخليفة ابن عمه علي بن ابي طالب ،،
و" علي" الي بنتكلم عليه اتسمي نسبة لاسم عمه الخليفة المغدور،،
و هو نفسه كان من رواة الأحاديث عن ابيه الصحابي الشهير و كان مشهورا بالتقوي و العلم،،
و كان مرضيا عنه من الأمويين و أعطوه المال و الارض ليعيش بكرامة و راحة،،
،،
ده الجِد ، مين الأب؟
هو محمد بن علي بن عبد الله بن العباس،،
و هو مشهور باسم محمد الإمام،،
ليه امام يعني؟
كان شيخ في جامع و لا حاجة؟
،،،
طبعا لا،،
كلمة "الامام " هنا كان معناها زي الخليفة كده!!!
بس كانت غالبا معناها الخليفة الذي لا يحكم رغم احقيته الدينية،،
و ده اعتمادا علي مأثور نبوي ان
" الأئمة من قريش"
و الامامة الكبري في الصلاة و في قيادة الجيش هما من صفات الخليفة في التقاليد الاسلامية،،
لانه زي ما يعمل يقلده و يتبعه باقي المسلمين في عبادتهم و حربهم..
يعني وزارة الثقافة و الشئون الدينية و الحربية مع بعض هما من مهام الامام،،
طبعا الخليفة الفعلي بقي عنده فوق كده القضاء و المالية و الخارجية و الداخلية و التخطيط و الخخخخ،،
يعني من الاخر ،
الامام هو خليفة محتمل،،
خليفة في الظل ،، قائد ديني للمعارضة،، زي ما الخليفة هو قائد الأغلبية و الامر الواقع،،
،،،،،
عايز أمثلة؟
حاضر،،
آل سعود كانوا بيتلقبوا باللقب ده من ايام دولتهم الأولي الي محمد علي حاربها و هزمها بالنيابة عن الخليفة العثمانلي أيامها،،
و ده طبعا معناه ان فيه مريدين يعتقدون بان الشخص ده أولي و احق من الخليفة بالحكم،،
في برده المثال الأشهر :الأئمة الاثني عشر ،،
علي و الحسن و الحسين و نسل الحسين حتي تاسع حفيد،،
هما المعتبر بولايتهم الدينية و الروحية و الدنيوية أيضاً علي اتباعهم و هم الشيعة الاثني عشرية،،
فيه مذاهب شيعية تانية كتير و كل منها له أئمة مختلفين ،،
و زي مانتوا عارفين ان حتي الجماعات الإرهابية أيامنا دي بتسمي قائدهم "الامام" يعني هو الخليفة الحقيقي بالنسبة لهم من الاخر كده،،
،،،،،
نرجع نشوف ازاي "محمد بن علي" ، الي هو الأب الي بنحكي عنه بقي امام..
علي بن ابي طالب مشهور بلفظة "الامام علي " حتي عند السنة،،
و هو الأصل الذي يُرجع اليه في كل من تسموا بالإمام من بعده،،
ازاي حفيد ابن عمه " محمد بن علي بن عبد الله بن العباس " بقي اسمه الامام ؟؟
و لا ابوه و لا حد من أجداده كان إمام خالص، مع انهم كانوا أعلم من " الامام محمد " و أشهر ،
،،،،
القصة الي هنقولها دلوقتي تحس فيها بالتلفيق
و بتلاقي زيها في التاريخ الاسلامي كله ،،
اضفاءَٓ للشرعية الدينية علي حُكم ما او خلافة ما،،
،،،،
أغلب المأثور المنسوب للنبي في التنبؤ بالأحداث السياسية و العسكرية التي تتلو وفاته هو من هذا النوع،،
النبي لم يكن يعلم الغيب بنص القرآن الواضح،،
و لكن كمية النبؤات المنسوبة اليه بما سيحدث بعد وفاته من وقائع تكاد تكون تفصيلية و لا محدودة حتي انك تستغرب لماذا اختلف الناس من بعده في وجود هذا الوصف التفصيلي للأحداث ،،
،،،،،،
كما قلت لك ، القدسية لا بد ان تكون بنص ديني واضح،،
و القرآن ، كتاب الله، سكة التدليس فيه متربسة من زمان،،
فاضل ان ننسب روايات للنبي و تنتشر مع الوقت ،
فتحقق القداسة المطلوبة،،،،،،
،،،،،،،
طيب نرجع لحكايتنا،،
الخليفة "علي " كان عنده ابن تالت غير الحسن و الحسين ،،
كان من سيدة تزوجها بعد السيدة فاطمة بنت النبي،،
كانت تنتسب لبني حنيفة،،
و ابنها كان اسمه محمد،،
اشتهر في الكتب كلها تقريبا ب
" محمد بن الحٓنٓفِية" نسبة لامه..
و ده كان احيانا بيحصل،،
الشيخ ابن تيمية برده منسوب لأمه،،،
،،،،،
طيب مالنا بمحمد بن الحنفية الي هو ابن الخليفة و الامام علي بن ابي طالب ؟
باينة اهيه،،
ابن الامام علي،،
يبق هو كمان امام بالوراثة عند بعض محبيه...
طيب و بعدين؟؟؟ فين القصة؟؟
، ،،،،،
شوف يا سيدي،،،
عبد الله ابن الامام محمد بن الحنفية
و ده كان برده إمام بالوراثة كده ،،
كان بيزور قرايبه اولاد ابن عباس،،
طبعا انت فاكر كويس ان ابو طالب و العباس كانوا أخوات و أعمام النبي،،
بنفكرك بس بالحتة المهمة دي،،
عبد الله بن محمد بِن الحنفية ده يا سيدي مٓرِض و هو في ضيافتهم مرضا حسبه الموت،،
فأوصى لابن عمه "من بعيد "
محمد بن علي بن عبد الله بن عباس
بالإمامة من بعده ،،
لانه الظاهر مكانش عنده اولاد....
إداله اسماء الاتباع و كلمة السر و العناوين و الفلوس و الخطط ،،
إداله السي دي بتاع التنظيم كله،،،
و فوق كل ده رفعه لمرتبة الامام ،،،
،،،،،
زي الملك آرثر ما يقول للفارس و هو بيخبطه بالسيف: انهض فأنت السير لانسيلوت،
و هو قبل كده كان الواد لانسيلوت بن سنية ..
،،،،،،
الوصية دي خلته ينتقل من مرتبة عموم الناس لمرتبة القادة و المطالبين بالعرش،،
محمد بن علي زي ما قلنا مكانش له حتي هذه اللحظة من" الامر " شئ،،،
اتفقنا ان كلمة " الامر " هي الحكم و الأحقية فيه،،
بس من بعد الوصية الغريبة دي،،،
بقي اسمه الرسمي في كتب التاريخ: الامام محمد،،،،
.......
القصة دي هي الأساس الديني للشرعية و الأهلية في الحكم و الخلافة الي ادعاها بعد كده اولاد الامام محمد،،،
و هي الأصل الشرعي لصحة ولاية الخلفاء العباسيين كلهم ،،،
اولاد الامام محمد كان المشهور منهم،،
١-الامام ابراهيم ،، الكبير،،أمه عربية حرة..
٢-الامام عبد الله الشهير " كنيته" ب ابو العباس،، ايوه السفاح سعادتك،، و أمه عربية حرة
٣-عبد الله " ايوه أخين اسمهم عبد الله ، مفيهاش حاجة"
و الشهير ب ابو جعفر ،،، و أمه عٓبدة من البربر...
يا دين النبي ،،
اخيراً وصلنا لأبو جعفر الي بنحكي عنه أصلا،،
طويلة لسه طويلة،،..
معلش فات الصعب و الجاي اسهل.....
تابعونا،،،،،
ليست هناك تعليقات:
إرسال تعليق