(شعر ابي مسلم عندما ناشده وزير الامويين عبد الحميد صاحب البلاغة العفو و الصفح)
وقفنا عند هزيمة عم الخليفة ابو جعفر
""عبد الله بن علي"" امام البطل الصنديد ابو مسلم الخراساني،،
و هروبه و القبض عليه بعد الأمان ،،
و قتله من بعدها...
،،،،
المهم الدور علي مين بعد كده؟؟
لن تتخيل،،
ابو مسلم الخراساني نفسه،،
تخيل ان الراجل الي كل واحد من بني العباس يدين له بعد ربنا بالفضل و النعمة،،
تكون دي نهايته!!
اختلف الناس في سبب الخاتمة التي لا تليق بفارس مغوار زي صاحبنا،،
فيه رأي ان ابو مسلم أساسا كان مش بيدي ابو جعفر برستيچه ،،
و انه سابه ادام خيمته ساعة لما جه يشكره موفدا من ابو العباس اول التنصيب،،
و انه لما راحوا يحجوا سوا نفس السنة،،
الهيلمان و الموكب الي حواليه و تزاحم الناس حواليه،،
كان اكتر من ابو جعفر،،
يعني الحقد والحسد هو السبب!!
مش مصدق الحكاية دي الحقيقة،،
ده ابو مسلم لسه مطلع ابو جعفر من مأزق عمه عبدالله بن علي ،،
الي كان بيهدده في اول حكمه،،،
و لو مش ابو مسلم ،،
كان أكيد العرش هيروح للعم ده..
حقد علي ايه بقي؟؟
،،
ناس بتقول ان ابو جعفر فيه ناس قالتله ابو مسلم عينه علي العرش ،،
و بيرتب مؤامرات لخلع الخليفة،،،
يا جدع ازاي؟؟
ده الراجل كان كل حاجة في أيده فعلا و سلمها للناس بكل أمانة و ولاء،،
،،،،
طيب مش غيرة و مش خوف ،.
ليه عمل المصيبة دي؟؟
رأيي انه ابو جعفر كان عنده مشكلة كبيرة جدا،،
التأسيس للهيبة و العظمة الضروريتين لأي أسرة مالكة و سلالة ذات دم ازرق..
و هو كان في اغلب حياته قليل الهيبة و فقير المال و منكسر الحال و مطارد من السلطات مع أهله،،
و كان الناس كلها طبعا اما تشوفه دلوقتي بعد انقلاب الحال لمُلك و غني و سطوة و نفوذ،،،
تقعد تتصٓعٓب و تقول أمثلة من نوع:
يِدي الحلق للي...،،،،،
ملك الملوك اذا وهب،،،،،
سبحان العاطي الوهاب بلا حساب ،،،،،
و أسوأ حاجة انك تبقي ليل نهار حاسس انك صغير قدام حد،،
لانه ليه فضل كبير عليك،،
مش كفاية انه عارف أصلك و شافك و انت الناس بتلطش فيك،،
ده كمان أعطاك من فضله ما مكنك مما انت فيه،،،،
،،،
عارفين نكتة الصعيدي الي جاي يقتل واحد عشان التار،،
قام الجدع ده أنقذ حياة الصعيدي رغم انه عارف هو جاي ليه،،
الصعيدي من كُتر ما هو حاسس بالدين و العرفان للراجل الي مفروض يقتله،،
بيقوله: انت أكرمتني اخر كرم رغم ندالتي معاك،، ياريتني قتلتك قبل ما تنقذ حياتي و اتذل ليك كل ده....
حكايتنا قريبة من كده،،،
،،،،،،
بعد موت العم عبد الله و استئصال بذرة الامويين و حلفاءهم و قتل ابو سلمة الخلال
مبقاش فاضل حد ليه فضل علي ابو جعفر او اتذل له لأي سبب ،،،
غير ابو مسلم الخراساني،،،
واضحة جدا،،،
و ابو جعفر كان راجل كبير و فاهم اللعبة،،
يا ابقي ملك بجد و خليفة قد الدنيا،،
يا اما أموت و خلاص،،،
النُص نُص مينفعش،،،
،،،،،،،،،
التفاصيل بعد كده مش مهمة قوي،،
كلها تلاكيك عشان يخلص من الراجل و خلاص،،
-يا ابو مسلم روح والي علي مصر،،،
-طب و أسيب خراسان ليه؟؟
-أنا الخليفة و بقول كده،،
- طيب سيبني أفكر كده
و طبعا مراحش و ابتدي يقلق،،
أنا لو سلمته دقني هيطير راسي،،،
ابو جعفر الداهية،،
بعتله جواب بيقوله تعالي عندي القصر و الا،،،
و في نفس الوقت بعت الي يطمنه و يأمنه،،،
الراجل دخل القصر مع رجالته،،
منعوهم من الدخول ،، و اخذوا سلاحه،،،
دخل علي الخليفة،،
قعد يزعق له و يبستفه و يقوله انت خائن و عملت كذا و كيت،،
و شاور للحراس يقتلوه،،،
و مات الرجل و هو يسترحم الخليفة الي لم يرحمه إطلاقا،،،،
عن عمر لم يجاوز الثلاثينيات ،،
و ترك الدولة التي بناها بساعده و ذكائه نهبا لآخرين لم يبذلوا معشار جهده فيها،،،
" مشهد قتل ابو مسلم و فيه اغلب ما قلنا"
،،،،،،،
قبلها كان ابو جعفر مستعد كويس
رتب الأمور مع نائب ابو مسلم
و زبطه فلوس و إقطاعيات و الذي منه،،
خليك في نفسك و ركز في حياتك معايا
،،
و الراجل كان واقعي الحقيقة،،
سمع الكلام و خد القرشيين،،
ناس من أهل خراسان قعدوا يزعقوا،،
طلع لهم الخليفة و قالهم الخروج عليا معصية ،،
و متخلونيش اغضب عليكم،،
عشان ربنا ميغضبش عليكم،،
ناس عملت ثورة في خراسان،،
و ناس زودت الموضوع و ارتدوا خالص عن الاسلام،،
كفروا يا جدع من غدر الخليفة الي شافوه،،
بعتلهم جيوش ورا بعض،،
جابت البلد عاليها واطيها،،
و أخمدت الثورة،،
يعني رشوة و دفع،،
حرب و حارب،،
تخريب و خرب،،،
تهديد و هدد،،
كده بقي نقدر نقول انه بقي طالب متفوق و اتخرج بامتياز في مدرسة الميكافيللية النفعية و الخسة السياسية،،،
،،،،،،،
رحم الله أبا مسلم الخراساني ،،
ان كنت تري الخلافة العباسية خيرا،،
فله الفضل العظم في قيامها،،
و ان كنت تراها شرا،،
فقد كان من اهم ضحاياها،،،،
،،،،
لسه لسه،،،
تابعونا،،،،
ليست هناك تعليقات:
إرسال تعليق