وقفنا عند سليم الاول لما فٓسّٓخ جيش اسماعيل الصفوي،
و الياندچيري خلوه يرجع بالجيش و هو تقريبا كان عايز يعمل زي الإسكندر كده و يفضل واخد في وشه لحد مطلع الشمس،،
المهم انه أتضايق جدا ان الصعاليك الخدامين دول يتدخلوا فيما لا يعنيهم،،
انا السلطان ، آمر فأٰطاع و يلقي الجنود نفسهم في النار تنفيذا لأمري السامي،،
و عرفنا انه علق القادة بتوعهم من رقابهم عشان الكلاب التانية تعرف مقامها قصاد اسيادها،،
،،،،.
فيه حكاية مأثورة عن النبي محمد لما كان فيه سرية من المسلمين خرجوا و أمرهم بالسمع و الطاعة لقائدهم،،
و الراجل تقريبا اتهٓبل و لا حاجة،،
قام و هما قاعدين جنب النار بيتدفوا ، قام قالهم نطوا في النار ، النبي قالكم اسمعوا كلامي،،
قاموا اتلخبطوا و ناس فيهم كانت هتنط بس العقلاء منهم رفضوا و اتخانقوا مع قائدهم،،
و النبي حكم ان القائد علي خطأ و ان طاعة القائد مرهونة بعدم تجاوزه و شططه الي ما حٓرٓم الله،،
يعني لو سرق او قتل او كدب او حرق او خرب او نهب ،، و ده اكيد مش طاعة لربنا،،
مفيش طاعة له،،
هو مجرد قائد في مهمة محددة ينجزها معاكم و يرجع زيه زيكم،،
شوف يا مؤمن بقي كل ما تراه يوميا من مصايب و كوارث في بلادنا السعيدة بما فيهم من يدعون التدين و قارن مدي فهمهم لدينهم حقا وصدقا،،
طبعا سليم الاول مخه أَلسَعْ من القائد الي في الحكاية دي،،،
،،،،
عودٌ للمجري الرئيسي،،
بعد ما استتب الأمر اخيرا لسليم، و صولجان الحكم بقي في قبضة حديد و كرسي السلطان تدعمت قوائمه خلاص،،
يتهد بقي و يشوف حال الرعية ؟
ابدا،،
ده راجل من عينة أتيلا ملك الهون و ويليام الفاتح،،
هنقول حكايتهم لو كان فيه عمر ،،
المهم انهم ناس لو مقتلتش كل يوم ١٠٠ علي الاقل يجيلهم ارق،،
،،،،
خلص علي الفُرْس خلاص،،
مين عليه الدور؟؟
الامبراطورية الرومانية المقدسة؟
جمهورية البندقية؟؟
استعادة الاندلس؟؟
جزيرة صقلية؟؟
ابدا خالص،،
،،،،
الدولة المملوكية ؟؟؟!!!!
ايه؟؟؟؟
المماليك المسلمين السنة الي بيحموا الخلافة و خليفة المسلمين في بلادهم بقاله ٣٠٠ سنة و الحرمين الشريفين تحت رعايتهم و الحج هما الي بينظموه و هما الي أنهوا الإمارات الصليبية و اوقفوا الزحف المغولي ؟؟؟
ازاي يعني؟؟
الحكاية دي عملت أزمة فقهية ضخمة جدا لسليم ساعتها و معضلة شرعية كبيرة لكل المؤرخين الإسلاميين الي بيحبوا يجملوا البشاعة بمساحيق تجميل ،،
طيب حاربت الصفويين و عديناها و لقينا مخرج شرعي انهم كُفَّار و قتالهم جهاد في سبيل الله ،،
انما نحارب المماليك بحجة ايه؟؟؟
،،،،،
هنا هنرجع شوية بالزمن لأبو سليم السلطان المخلوع - الي غالبا مات مسموم- بايزيد ،،
كالعادة لما اتولي الحكم كان ليه اخ منافس ،،
اسمه " چٰم"
و كالعادة اتحاربوا صولات و جولات ،
و بايزيد فاز،،
بس كان رحيم باخوه و محبش يفعصه جامد و سابه يهرب ،،
زي ما عمل مع ابنه سليم نفسه بعد كده زي ما شفنا في الاول،،
و كالعادة برده الاخ ده لجأ للحكام المجاورين،،
ايوه المماليك سعادتك،،
و أكرموا وفادة الامير ،
قصور و فلوس و سهرات،،
و جه ميعاد الحج،،
ودوه يحج،،
فسحوه و كرموه كأنه ابن عمهم الي جاي من اوروبا ،،
تفتكر الحكاية دي زعلت بايزيد؟؟
ابدا،،
ده شالها جِِمِيِلة و ساعد المماليك في حربهم ضد البرتغال بعد كده،،
مع انه كان بينه و بينهم حروب حدودية بين الشام و تركيا ، زي كل الممالك المتجاورة ايامها علي فكرة،،
،،،،،
ليه بقي انا جبت الحكاية دي؟؟
لان كتير من المؤرخين و منهم الي بيسموا نفسهم "اسلاميين "، بيعذروا سليم انه يحارب المماليك لانهم ساعدوا اخوه" احمد" ساعة الحرب الاهلية بينهم ، و عشان مرضيوش يساعدوا سليم لما حارب الصفويين،،
طيب ما بايزيد كان نفس الموقف،
حارب الصفويين و حارب المماليك،،
بس بعقل و حكمة ؟،
مش ثور هائج في الارض و انتم بتطلعوله اعذار،،
،،،،
طبعا سليم نفسه مغُلُبش ،،
هو بعد رأس الياندچيري الطائر حد هيفتح بقه؟
الفتوي جت له ان المماليك خارجين علي الشرع و حكام ظلمة و مفتريين و
المسلمين الرعايا الي تحت أيدهم بعتوا جوابات بيستنجدوا بالسلطان سليم ينقذهم من تحت طغيانهم،...
آه و الله ده الي حصل،،
هتقولي دي اتهرست في كذا غزو قبل كده ؟
هقولك و عشان كده هنلاقي الي يصدقها،،
اه و الله ،
مؤرخونا المحترمين فيهم الي بيقولوا العُذر ده كمبرر لحرب سليم الظالمة المخربة المدمرة،،
،،،،
فاضل اعذار تانية؟؟
ايوه سيادتك،،
فيه عذر انما ايه ،، حاجة سوبر ،
حاجة تصدير الحقيقة يعني...
بيقولك يا اخينا ان الدول دي ليها ايام فوق و ايام تحت ،
و مفيش بُنا بينبني الا يجيله يوم و يِنهَد
و الدنيا دوارة و ده كاس و بيلف و الحجر الداير لا بُد من لٓطُه..
و دولة المماليك كانت عجزت خلاص و لازم دولة فتية هي ألي تكمل بعدها بقي!!!!!!
طيب انا موافق...
همشي معاكم ،،
ازاي بقي ده يحصل؟؟؟
بإن الناس يموتوا في مجازر مريعة و بلاد تِخرب لمئات السنين و أعراض تنتهك و تهدم صوامع و بيوت للآمنين؟؟؟
ده شرع ده و لا ميكيافيللة عفِنة؟؟
ده كلام مؤرخين ايه؟؟
اسلاميين سيادتك ،،
بيشوفوا تخريجة لمجازر سليم باي طريقة و السلام،؟
،،،،،،،
،،،
المهم سليم نفسه قعد يستفز السلطان الغوري ، و ينكشه ،،
تعال يا غوري يا ناقص بوس ايدي و ادخل في خدمتي و تحت طوعي و ادفع الجزية و انا اسيبك تعيش ،،
خد بالك،،
هو بيكلم سلطان مهيب،،
تحت ايده أساطيل بتوصل المحيط الهندي و بيحكم مصر و الشام و الحجاز ،،
و راجل كبير عالِم له سهرات ليلية مع العلماء و النحويين و الشعراء و الفقهاء و بيشاركهم الند للند في السجال و الحوار،،
راجل صالح متسمعش عنه العيبة او النقيصة او الغدر،،
راجل كان هوايته البُناء و التشييد و التعمير و وكالة الغوري باقية من ٥٠٠ سنة آيه في الجمال،،
راجل كان حامي الحرمين الشريفين فعلا من غير منظرة،،
و بيحكم دولة لولا وجودها كانت الخلافة العباسية الشرفية طبعا ،، كانت انتهت تماما من ايام المغول
بذمتك يا محترم؟؟
لو لقيت واحد شِلْف زي سليم ده بيقولك كده تعمل ايه؟؟
،،،،
انها الحرب اذن يا ريتشارد ،،
......
واضح انكم هتتابعونا كمان مرة ،،
معلش استحملونا،،،
ليست هناك تعليقات:
إرسال تعليق