الجُزء ١٧
وقفنا عند عزل المُهلب
عن إمارة شرق البصرة
نواحي الأحواز و فارس،،
و تولية عُمر بن عبيد الله التيمي
و ده عمل ضربة للروح المعنوية
في نواحي العراق،،
و غذي التوترات القبلية
من تاني ضد قريش!!
خصوصا و انه كان حصل مشاكل
في خراسان - أفغانستان -
وقتها في ظل غياب
اي سلطة حقيقية
لأي خليفة
من الخلفاء الخمسة
الموجودين وقتها،،
،،،،،
مصداقا لكلامنا في الجنون
الي ضرب في الخلق وقتها
كانت قامت فتنة قبلية
بين ناس من قبيلة "تميم"
الي عايشين هناك و بين
الفارس الكبير و الفاتح
و الصحابي عبد الله بن خازم،،
الي كان والي خراسان وقتها،
و ابنه تملكته روح العنطظة
و قبض علي اتنين
من بني تميم مش عاجبينه
و فضل يجلدهم لحد ما ماتوا!!!
ما هي بقت أبعدية ابوه بقي،،
و مفيش كبير في البلاد،،،
،،
بس بنو تميم من أقارب القتلي،
مسكتولوش الحقيقة
مسكوه و قتلوه!!!
ماهي بقت سايبة و فوضي
الي يقدر علي حاجة يعملها،،
،،
طيب ايه
ما عادي يعني
واحد غلط
و قتل ناس بدون حق
و أولياء الدم قتلوه،،
سهلة مش كده؟؟
و الصحابي القائد ابن خازم
عارف كده كويس،،
لا يا اخواني
الي حصل ان عبد الله ابن خازم
-بتحريض من ابنه التاني-
قرر يقتل
الي قتلوا ابنه ثأرا
للي ابنه كان قتلهم ظلما،،
طبعا الناس
من بني تميم معجبهمش،،
و قالوله بشوقك
و تتنطط كده في الارض
مش هتنول مننا حاجة،،
و قامت بينه و بينهم
حرب قبلية دموية،،
انتهت بانه حاصرهم حتي الجوع
و استسلموا علي شرطه و أمره،،
يعني شالوا
كفنهم علي ايديهم
و خرجوا بأمل عفوه و كرم أخلاقه،،
بس هـو
مكنش عنده عفو
و لا كرم أخلاق،،
قَلَبهم علي الارض
و شغل الذبح فيهم كلهم،،
ييجي ميت واحد
من خيرة محاربيه زمان
ذبحهم ذبح المعيز!!
هتقولي و ايه يعني
ما مُصعب قتل خمستلاف واحد،،
في فتح الكوفة
و برده كانوا
استسلموا علي شَرْطُه!!
هقولك بس مُصعب
حاول يعفو عن بعضهم
و الناس مطاوعتوش،،
و الي اتمسكوا دول
كانوا برده محاربين
و مخربين و قطاع طريق
في عُرفه و بحسب قانونه،،،
إنما الي قتلهم ابن خازم دول
راحوا فطيس
عشان خاطر ابنه البايظ!!!
انتقاماً بشعاً لا غير
،،،
طبعا
بنو تميم
شالوا التار ده
و خدوه بعد كده بفترة
يمكن نقدر نقول ازاي بعدين،،
،،،،،
ابن خازم ده
كان مبايع لابن الزبير
شكليا طبعا و منظر مش اكتر،،
ابن الزبير مقدرش
يعمله اي حاجة،،
و بعد مصيبة
زي الي عملها دي،،
الفقيه و الخليفة
و الصحابي الكبير
عبد الله بن الزبير
كالعادة ،،
يا إما بيصلي الفجر،،
او بيعمل عُمرة،،
اومستغرق في التسبيح،،
او معتكف،،
مش بيركز مع سفاسف الدنيا دي!!!!
خليفة حقاني
و بيطبق الشرع!!
و جاي يقيم العدل!!!!
و يُنهي الظلم؟؟؟
الي الامويين كانوا
أفشوه في الناس
و يرجع عهد عُمَر و مجد الاسلام!!!!
بدليل الأمراء بتوعه
الي بيشربوا من دم الناس!!
و بِ يغدروا بيهم
و بيقتلوا المسلمين المستسلمين!!
و بيدبحوا ميت واحد
انتقاما ل عيل بايظ!!!
ابوه معرفش يربيه،،،،
،،،،،،
نحب نقولكم
ان الامويين
لم يقتلوا و يذبحوا
الا لعصيان و خروج علي الدولة،،،
و لما كانوا أعداءهم بيستسلموا
كانوا بيرحموا و يعفوا
و آخرهم يخلوا الي استسلموا
يقولوا " انا خَوَل لأمير المؤمنين"،،،،
،،،،
أكاذيب "الدولة الاسلامية" العائدة
و الثورة علي الطغيان
و ازاي ان ابن الزبير
كان ثائر علي الظلم
و جاي يطبق الحق!!!!
تقدر بسهولة
تشوف قد ايه
هي زائفة و واهية،،
و انه كان خليفة
خائب و هايف
علي اقل تقدير،،
و مقدرش ينفذ كلامه الخيالي
عن الشوري و العدل و الحق،،
و مقدرش يلم او يعاقب
أمراؤه المجرمين،،
أو بأسوأ تقدير
كان طاغية أسوأ من يزيد،،
و فتك رجاله
بآلاف مؤلفة من المسلمين،،
في سبيل الإمارة و المنصب
و هو كان موافق و مرحب بالفظائع دي،،،
،،،،،،
نرجع لعبيد الله التيمي
الي مبقاش قادر يِحَلَق
علي الخوارج الازارقة،،
و الي بقي ليهم
قبائل و بلاد بتأيدهم!!؟؟؟
و شايفنهم احسن
من باقي المتصارعين دول!!!
حتي ان فيه بلد اسمها " الرَّي"
جنب طهران حاليا
وقفت معاهم
في غزواتهم المتعددة،،
بقيادة القائدين الكبيرين
ابن الماحوز
و بعده قَطري بن الفُجاءة
بل و آوتهم و ساندتهم!!!!
و ده دليل انهم
لم يكونوا وحوش
و قتالين قُتلة
و مصابين دماء و خلاص،،
كانوا ثوار و متمردين
و عايزين ياخدوا
حقهم من الفلوس و الإمارة
زيهم زي غيرهم الحقيقة،،،
المهم ان بعد
ما حملتهم في قلب العراق
و تخريبهم للبلاد المعادية لهم،،
توقف و هدأ
و انسحبوا لقواعدهم
في الأحواز و فارس،،،
امر مُصعب القواد بتوعه
انهم يروحوا يهدوا البلد دي!!؟؟
و تاني يوم
كانت "الرَي" بقت خرابة محروقة
و تم نهبها و سبي أهلها و قتلهم،،
،،،،
انت فين يا خليفة يا عادل
يرضيك يا ابن الزبير
ذبح الناس و نهبهم كده؟؟؟
أسوأ أفعال الامويين
كانت استباحة
فلوس و أعراض
اهل "المدينة" تلات ايام
عقابا علي تمردهم علي الخليفة،،
مش حرق بلد و سبي الناس
و قتل المستسلمين من أهلها
بدون تمييز
عقابا علي الخروج
علي خليفة آخر،،،
،،،،،
الكلام ده لمواجهة
اي حد يضحك عليك
و يقنعك ان
الامويين كانوا شياطين
و كان غيرهم الملائكة،،،
كله في الهم سوا
و في رأيي انهم كانوا
أحسن حتي من ابن الزبير!!!
أقله كان فيه
قانون و نظام في المملكة
مش قانون الغاب
و سفك الدم كأنه عصير فراولة،،
،،،،
مُقبضة اخبار العراق و ما حوله
تابعونا ،،
